Poniendo un record nobo di donacion pa comunidad
ORANJESTAD (AAN) : E di 6 edishon di Long Table Aruba, organiza pa Wind Creek Aruba, ta back pa un solo anochi, e unico mesa di cena di mas largo completamente blanco cu un balor di $50,000 pa Aruba.
E evento di e aña aki lo tuma lugar diadomingo, 9 di Juni y lo conta cu un setup di un mesa largo di 1000 pia cu lo worde prepara pa 1000 invitado bisti na blanco riba L.G Smith’s Boulevard dilanti Renaissance Wind Creek Aruba Resort. Tickets di entrada lo ta $50, lo por reserva esaki online diabierna 10 di Mei, pa exactamente 10:00 or di mainta!
Segura bo ticket bishitando renarubaevents.com cuminsando for di 10:00 or di mainta diabierna, 10 di Mei. Por favor tene cuenta cu cada persona por cumpra un minimo di 2 ticket, cu un limite maximo di 10 ticket pa persona.
Desde aña 2017, Long Table Aruba a recauda mas di $285,000 pa organizashonnan local y ta un evento sumamento importante pa Wind Creek na Aruba.
“Nos ta compronde e importancia di conecta cu e comunidad y nos ta desea di sostene organizashonnan local na e manera cu lo realmente ta beneficia e comunidadnan di Aruba,” asina Sr. Paul Gielen, Gerente General di Wind Creek Aruba a declara. E aña aki Wind Creek Aruba a cambia e proseso y a selecta 10 organizashon den comunidad activo y a invita esaki nan pa partisipa. Cada un di e organizashon aki tin e tarea di crea un video impresionante, cu e oportunidad pa gana un sosten finansiero. E selecshon di e aña aki ta worde enfatisa door di e yudansa na nos grandi y sosten pa nos hobennan cu ta enfrenta sircunstancianan desafiante. Cu e focus pa renoba e bienestar den nos comunidad, Wind Creek Aruba ta compromete su mes pa haci un cambio y impacto den bida di esnan cu ta den nesesidad.
Manera aña pasa, comunidad di Aruba lo determina cual di e 10 organizashonnan lo beneficia di e premio di e aña aki via un proseso di votashon online cu lo cuminsa dia 20 di Mei venidero. Mas informashon di esaki lo worde divulga pronto. Haci un impacto den comunidad ta un principio di operashon di Wind Creek Aruba. Sr Gielen ta continua “Nos ta sumamente orguyoso pa no solamente ofrece un experenicia exceptional pero alaves por conecta cu e pioneronan pa por mira con y kico mas lo por haci pa por sostene nan metanan. Nos ta sinti nos mes honra pa por ofrece e pueblo di Aruba un anochi inolvidabel unda nos ta duna back, y celebra hunto cu nos comunidad di Aruba.
