WILLEMSTAD: Tabata Diahuebs atardi cu Centro MOC di Wardacosta di Caribe Hulandes, a ricibi informacion cu tin un caso di emergencia cu a presenta na e isla di Klein Curaçao, y cu e persona aki tin di acudi rapidamente na Hospital.
Segun Maritiem Operatie Centrum, e homber tabata sambuyando den awa rond di Klein Curaçao ora cu diripiente su curpa a bira basta malo.
Mesora a dicidi na manda e Helicopter di Wardacosta rumbo pa Klein Curaçao pa yuda evacua e persona. Nan a hibe na e Pier di Wardacosta, unda un ambulans a buske pa hibe hospital.
