Home Deporte S.V. Bubali ta dedica na Sr. Andres Juan “Dechi” Eckmeyer

S.V. Bubali ta dedica na Sr. Andres Juan “Dechi” Eckmeyer

331
0
SHARE
- Advertisement -

            Andres Juan “Dechi” Eckmeyer nasi na Aruba den e bario di Bubali 30 November 1940

Na un edad hopi hoben manera cualkier hoben Dechi a drenta den e organizacion di S.V. Bubali.

            Dechi ta bin di famia Eckmeyer cual ta un di e raiznan di S.V. Bubali. E tempo ey den decada 50 a cuminsa hunga pa Bubali Junior pa un par di anja y despues, Dechi na un edad hopi hoben ta un di e hungadornan cu a forma parti di e TEAM S.V. Bubali di aña 1965-1966 cu a Titula Campeon di Aruba A Klasse derotando Dep. Atlantico 3-0 den Sport Centrum na Noord. (Unda awe ta Compleho Deportivo Frans Figaroa).

            E tempo ey veld tabata ariba abou di santo. Esey ta mes un aña cu S.V. Bubali a haya e apodo di Prensanan di Aruba cu te día di awe ta carga e nomber di e “Orguyonan di Noord”.

            E wega ey final Bubali a sali hunga cu opsteling 1-4-2-4, Cual Dechi Eckmeyer ta hunga e posición di Linksbuiten, Dechi Semper tawata gusta e deporte di futbol. Te día di awe hopi ta papia cu e team di anja 65-66 ta un di e mihor team nan cu S.V. Bubali tabata tin y cu ta bay pa historia. Dechi na un edad toch basta hoben mester a stop di futbol pa motivo di trabou cual porcierto despues Dechi mester a bai navega riba barco.

            Dechi Semper a keda stima su club S.V. Bubali Dechi a yega di traha tambe na Bubali Sport Club como beheerder di Bubali Sport Club, hasi hopi trabou voluntario pa e club, cual tambe a yega di forma parti den bestuur di S.V. Bubali. Dechi nunca no ta perde un wega di S.V. Bubali Semper cu su cusinchi, radio y su thermo…

            Semper bon pega. Dechi ta un persona hopi special pa nos club paso Semper ora nos topa nos por keda papia hopi riba cualkier team y lógicamente futbol ta bin a den y Semper ta caba e combersacion cu un smile, un persona hopi alegre.

Aki bou nos tin un potret di e team S.V. Bubali di campeonato 1965-1966.

Para di robez pa drechi:

Tiling Tromp, Fiyo Eckmeyer †, Joong Kelly, Chico Eckmeyer, Ping Kelly, Gorge Irausquin.

Abou di robez pa drechi:

Sonny Tromp, Tonny Eckmeyer †, Keke Giel, Remigio Jacobs, Dechi Eckmeyer.

 

- Advertisement -

DUNA COMENTARIO

Please enter your comment!
Please enter your name here