Mayoria di forsa laboral riba FASE of loonsubsidie

    519
    0
    SHARE
    - Advertisement -

    Aruba mester duna mundo un imagen di recuperacion y stabilidad

    *Vacunacion mester yuda den recuperacion riba termino corto

    *Maart ta bira luna determinante pa recuperacion pa futuro

    ORANJESTAD(AAN)–Aruba presenta mundo un cara di animo nobo riba termino cortico. E situacion cu Covid-19 a crea pa Aruba cu ya tabata den crisis pa motibo di e herencia financiero y economico di Gabinete Mike Eman, mester wordo reemplasa pa un imagen nobo.

    Informacionnan cu DIARIO a ricibi ta indica cu na e momentonan aki Aruba no tin mas tempo pa perde y mester actua cu mes diligencia cu a haci cu Aruba guia pa Gobierno Evelyn Wever-Croes awe ya ta beneficia di vacunacion na un forma ehemplar den Reino Hulandes.

    E situacion di Aruba ta sumamente serio. E caida economico a base di Covid-19 y medidanan cu mester a tuma, a haci cu na e momento aki e mayoria di forsa laboral di Aruba ta depende di FASE of subsidio di salario (loonbelasting) cu ta ricibi di Gobierno di Aruba.

    Maart ta bay bira un luna sumamente importante pa Aruba cu mester por raporta na mundo e avance di vacunacion y un caida di e total di morto cu Covid-19 ta exigi y cu ta stroba Aruba haya turista hasta cu medidanan cu ta wordo tuma.

    Na mes momento un riesgo halto di Covid-19 na Aruba, ta stroba inversionistanan interesa di realisa e scouting necesario den cual nan ta manda nan hendenan Aruba pa sondea posibilidad nobo.

    E imagen cu Aruba ta entrega mundo riba tur tereno ta uno sumamente importante pasobra e ta ratifica e capacidad di Aruba pa despues di e atake di Covid-19, drenta un normal nobo den cual por papia di stabilidad y posibilidad nobo pa e pais.

    Na Maart Aruba lo mester ricibi informacion concreto riba entrada di Eagle LNG mientras tambe ta spera di tende e posibilidad pa Quanten haci su entrada na Aruba.

    Cu regreso di un miho salud di Pueblo di Aruba, e oportunidad mester habri pa comercio local sigui crece cu companianan chikito y mediano.

    E entrada di Hulanda ta mara Aruba na un agenda cu tin tur atencion di Gobierno segun informantenan cu ta indica cu e pasonan cu mester wordo tuma den realidad, ta medidanan cu Aruba mester a tuma hopi tempo pasa.

    “E acuerdo entre Aruba y Hulanda ta menciona mes puntonan cu gremionan y expertonan a trece dilanti for di 2014 pero nunca a conoce realisacion,” a wordo indica.

    E imagen di Aruba riba plataforma internacional a wordo sigur afecta pa e caida economico di Aruba door di e proyecto Citgo cu no a wordo realisa y tambe e informacionnan riba e situacion financiero di Aruba, cu na hopi ocasion a wordo presenta den Reino, di cual awe Aruba sigur ta depende.

    Informantenan a bisa DIARIO cu den seno di Reino mes, pues di Hulanda, ta posibel pa atrae inversionistanan den e situacion mundial actual.

    E imagen cu mundo tin di Aruba mester ta positivo y basa riba confiansa y stabilidad riba tur tereno, a wordo trece dilanti.

    Informantenan ta indica cu e asistencia social cu pueblo di Aruba a ricibi a haci cu hopi ciudadano no a realisa e impacto real di Covid-19 cu ta mucho mas grandi pa Aruba cu informacionnan general ta aparenta.

    - Advertisement -

    DUNA COMENTARIO

    Please enter your comment!
    Please enter your name here