Home General Cu Ley den man DIARIO semper lo defende interes di Aruba

Cu Ley den man DIARIO semper lo defende interes di Aruba

99
0
SHARE
- Advertisement -

Aparentemente SIWA ta warda veredicto di Hues pa e coopera

*DIARIO conoce e dolor di empresanan kibra y nan trahadonan

*No ta henter poblacion di Aruba tin e privilegio di traha pa Gobierno

ORANJESTAD(AAN)–Personanan cu ta traha den servicio di Gobierno tin un privilegio masha grandi. Na momento cu nan no ta di acuerdo cu un decision di Gobierno cu ta mishi cu nan bienestar personal, nan ta crea un furia y tur hende ta na careda pa e resultado politico cu esaki por tin.

Ta e beneficio politico cu trabou den gobierno ta duna, ta uno di e motibonan mas grandi cu tanto hende kier traha pa Gobierno y loke a haci tambe cu awe Gobierno Evelyn Wever-Croes cu ta pone wega politico un banda, no ta agradabel den bista di defensornan di entre otro e sistema di gobierno Mike Eman.

Na momento cu Covid-19 a laga sesenta porciento, pues mas cu mita di poblacion di Aruba cu hamber, tabata e deber di Gobierno Wever-Croes pa mira con ta pone placa riba mesa pa evita cu tur cu a keda sin trabou, lo a pasa den problema pa come.

Tabata un deber di Gobierno Wever-Croes pa percura pa bienestar general a base di nos Orden di Ley pero tambe a base di e Arubiano cu semper ta cla pa yuda otro y a haci cu hasta di otro pais nan ta bini Aruba pa comparti loke e Arubiano tin.

E maneho di Gobierno Wever-Croes ora Covid-19 a bati na porta pa destrui salud di e Arubiano y causa su morto, no tabata solamente basa riba nos Orden di Ley pero tambe riba e sentimento Arubano cu bo no ta laga otro muri di hamber si bo kier yama bo mes Arubiano.

Durante ultimo dianan Aruba tabata na careda pa e menasa di problema laboral na WEB, caminda te awe SIWA no a alcansa un acuerdo pa trahadonan baha nan entrada, cu DIARIO a publica sin ofende ningun trahado ni kibra ley di secreto di personal pasobra ningun hende sa ta kende ta gana cuanto placa.

Pa e Arubiano cu a keda sin trabou y tin hasta problema pa paga su awa cu menasa cu e por keda sin awa, si tabata duro pa comprende cu na Maart Hues mester exigi trahadonan di WEB pa entrega parti di nan salario pa yuda Arubianonan pone cuminda riba mesa pa nan yiunan.

Cu ayera tabata tin situacionnan fuera di normal na WEB y cu impresion a wordo crea cu por spera mas, tur hende ta na haltura.

E tabata motibo tambe pa DIARIO prepara Aruba pa loke ta pasa cu Ley den man pa asina Aruba keda trankil.

Pasobra si SIWA a welga, manera un grupo di trahado a pensa cu of sin rason, Gobierno lo a presenta un caso den Corte y cu probabilidad grandi SIWA lo mester a exigi su trahadonan bolbe trabou.

Interes nacional di Aruba ayera tabata na wega y te ainda e hecho cu SIWA ta spera veredicto di Hues ta tene Aruba den suspenso.

Si Hues dicta cu mester laga tur trahado keda cu nan entrada, esaki por nifica cu mester subi belasting y prijsnan di companianan di gobierno pa paga e salarionan cu resultado pa bienestar di Aruba.

Loke a resta di turismo lo tabata na problema si SIWA a dicidi pa welga y mescos cu e negoshinan chikito y mediano den problema serio pero cu ainda ta tene trahado na trabou cu yudansa di Gobierno y cu placa di Arubianonan cu no mester di veredicto di Hues pa yuda otro Arubiano.

DIARIO ta keda pendiente cu loke ta pasa na WEB y rond Aruba, cu awe ta resa pa proyectonan manera Eagle LNG bin reforsa e pais, cu un malesa a destrui despues cu mal gobernacion di gobierno anterior a laga Aruba riba un solo pia, cu nan a kibra tambe.

 

- Advertisement -

DUNA COMENTARIO

Please enter your comment!
Please enter your name here