Home Policial Chauffeur femenino bou influencia di algun substancia a keda herida durante persecusion

Chauffeur femenino bou influencia di algun substancia a keda herida durante persecusion

326
0
SHARE
- Advertisement -

ORANJESTAD (AAN): Cuerpo di Polis a informa cu Diabierna anochi despues di 9’or a cuminsa un persecucion formal entre polis y un Kia Picanto blanco numera V-4404 pa motibo cu e dicho auto tabata core iresponsabel riba caminda.

E chauffeur di e Kia Picanto a ocasiona un accidente na e rotonde di Pos Chiquito y a sigui bay direccion pariba na altura di Citgo Savaneta unda el a bolbe ocasiona un otro accidente y a sigui bay direccion San Nicolas.

Na altura di e rotonde di FTA, patruya di San Nicolas a topa cu dicho auto. E patruya a dune e chauffeur señal pa para, pero el a keda nenga di cumpli cu esaki.

A cuminsa un persecucion formal na unda e Kia Picanto a dal den diferente auto y despues dal frontal cu un autobus na altura di House of Cake Savaneta.

Na dado momento a logra para e auto, pero e chauffeur femenino a cuminsa manda e auto dirigi riba polis. Polis lo mester a usa su arma reglamentario y a los tiro, pero asina mes e chauffeur femenino a sigui core e auto.

Polis cu refuerso a logra para e auto pero aki ta unda cu e chauffeur femenino, cu tabata bou influencia di un of otro substancia, a resisti formalmente cu e agente policial siendo cu e ta herida. Agentenan a domina e situacion y a logra deteni e persona femenino aki.

Mirando e situacion serio aki e departamentonan concerni di KPA entre otro Polis di trafico y Polis tecnico a yega na e sitio pa asina cuminsa cu e investigacion. Landsrecherche y Slachtofferhulp tambe a wordo poni na altura.

E situacion di e chauffeur femenino ta stabiel y a wordo hiba hospital pa mas tratamento medico avansa.

- Advertisement -

DUNA COMENTARIO

Please enter your comment!
Please enter your name here