Home Deporte ATSA ta haci un donacion na Aruba Soccer Academy

ATSA ta haci un donacion na Aruba Soccer Academy

73
0
SHARE
- Advertisement -

ORANJESTAD (AAN): Dos organisacion exitoso di e isla – ATSA y ASA-  a bini hunto pa crea un instalacion deportivo na beneficio di e comunidad local.
Aruba Soccer Academy, ASA, funda na Maart 2016, ta brinda sosten profesional na muchanan cu pasion pa futbol, entre edadnan di 4 pa 15.

The Aruba Timeshare Association, ATSA, ta e entidad legal representando e interesnan special di Timeshare riba nos isla den sector di turismo. E organisacion ta escohe un causa esencial y relevante tur aña pa nan sostene, y nan ta haci un donacion dirigi na un di e necesidadnan specifico.

ASA recientemente a haci un inversion den un veld chikito di futbol pa su miembronan. E mini pitch ta ideal pa train den grupo chikito, cual ta permiti pa ASA ofrece mas variedad y opcion pa ora cu stadionnan ta cera. ASA regularmente ta organisa camponan local di futbol durante temporada di vacantie tur aña, y tambe ta haya bishitantenan internacional. Den cuadro cu nan celebracion di nan cinco aniversario, e academia di training tin mas cu 5,000 siguidor riba Facebook.

“Nos ta kere cu ta importante pa contribui na nos comunidad, y e proyecto aki ta promove pa muchanan ta sportief, ta esencial pa e desaroyo bon balansa di nos hubentud akinan. ATSA a escohe e Aruba Soccer Academy Foundation pa haci un donacion e aña aki, pa nan proyecto, pa sigui na construi e veld chikito di futbol. Apesar di desaroyo den ta sportief, hungadornan ta train hunto, anto despues ta hunga contra otro den teamnan opositor den un competencia, stimulando tolerancia y comprendimento.”

ASA su programa ta depende di training di futbol ‘non-club based’ cu coachnan profesional den siman na diferente districto di nos isla. ASA ta spera di por curasha nos hobennan pa disfruta di e wega, mientras nan ta den un ambiente safe, positivo y educativo unda nan por sigui desaroya nan talentonan y tacticanan.

ATSA, estableci na 1994, actualmente ta maneha e miembronan activo di e mayoria di propiedadnan timeshare aki na Aruba, como tambe asociacionnan selectivo di condominium. E asociacion ta traha riba un nivel local, como miembro sostenedor di AHATA, the Aruba Hotel & Tourism Association, conhuntamente tambe cu otro organisacionnan local y entidadnan gubernamental.

Riba un nivel regional, na unda cu Aruba ta sigui na haya reconocemento como un modelo di destinacion pa timeshare, ATSA ta liga profesionalmente cu CHA, the Caribbean Hotel Association, y tambe ta beneficia di colaboracion continuo cu ARDA, the American Resort Development Association.



- Advertisement -

DUNA COMENTARIO

Please enter your comment!
Please enter your name here