Home Hudicial 15 y 12 aña di prison pa e 10 otronan riba barco...

15 y 12 aña di prison pa e 10 otronan riba barco cu mas di 5 mil kilo di cocaina

109
0
SHARE
- Advertisement -

Hues a confirma tur exigencianan di Fiscal

ORANJESTAD (AAN): Diabierna mainta sentencia a cay pa e grupo di 10 homber abordo di e barco Aressa, cu ta envolvi den e traficacion di 5108,6 Kilo di cocaina. Manera DIARIO a publica, diahuebs e hefe mecanico di Aressa, M.D. a wordo condena na 9 aña di prison.

E tabata esun cu a basha abao riba henter e grupo. En total nan tabata 11 persona cu a sali cu e barco for di Punto Fijo cu intension di bay Grecia cu e lote grandi di cocaina.

   Ta door di Marina Colombiano, Ministerio Publico a ordena Guarda Costa pa intercepta e barco asina cu e drenta den awa territorial di Aruba. Guarda Costa a intercepta e barco Aressa y …BINGO. Den cuarto di machine a haya den un tanki e 211 bultonan di cocaina cu a pisa 5108,6 Kilo.

   Ayera mainta e sentencia a bay via video conference y Hues a confronta problema pa por a lesa e sentencia di tur e 10 sospechosonan. Door di e medida di Covid na KIA, no ta pone hopi preso hunto. A informa Hues cu maximo un grupo di 5. A dicidi di promer Hues a lesa e sentencia di e capitan Z.D. y despues a parti e grupo di 9 den un grupo di 5 y despues e grupo di 4.

 

TRIPULANTE NO TA UN AGENTE

Hues a duna su opinion riba e discusion di abogadonan mr. Lejuez y Polat cu Fiscal no ta admisibel door cu a wanta documentonan intencional atras pa perhudica e sospechosonan. Hues no ta haya esey proba. Hues a sigui bisa cu e no ta haya proba tampoco cu lo tabatin deal cu e hefe mecanico M.D. pa duna declaracion.

Tampoco cu e lo ta un agente poni pa scucha e sospechosonan. Hues ta di opinion cu aki no por papia di cu Fiscal a viola norma. Hues a rechaza e ponencia di e abogadonan cu mester declara Fiscal no admisibel. E peticion pa exclui e declaracion di M.D. riba 23 September 2020 y exclui grabacion di combersacion 30 September 2020 tambe lo wordo exclui. 

TUR TABATA SA DI E 5 MIL KILO DI COCAINA

   Hues a bisa cu despues di a scucha e grabacion cu abogadonan a facilita, e no tin ningun motibo pa duda den declaracion di M.D. El a bisa cu e declaracion di M.D. a haya sosten den e otro pruebanan. Tambe cu M.D. ta envolucra su mes den e traficacion di e mas cu 5 mil Kilo di cocaina.

   Hues ta haya e declaracion di M.D. confiabel y ta use como prueba. Segun M.D., tur e sospechosonan tabata sa na Punto Fijo cu lo bay transporta mas cu 5 mil Kilo. Tur tabata sa cu e saconan cu a wordo poni abordo tabata contene cocaina. E intencion tabata pa hiba e droga Grecia. 

CAPITAN A HAYA MAS CASTIGO

   Hues a mustra cu e capitan Z.D. tabatin contacto cu esnan di e droga y unda mester hiba esaki. Hues ta haya proba cu e capitan ta culpable di importacion, exportacion di droga.

   El a remarca cu siendo capitan di e barco, Z.D. no por bisa cu e no tabata sa cu e tabata navega den awa territorial di Aruba. Hues a bisa cu e no ta kere cu e droga a wordo poni abordo na rio Orinoco manera e capitan a bisa. Na opinion di Hues, mirando e cantidad grandi di droga cu un balor hopi grandi, e no ta kere cu esnan concerni ta tuma riesgo di envolvi otronan.

   Hues a rechaza e ponencia di abogado cu door di presion, e capitan no tabatin otro opcion. Pa cu e castigo, Hues a bisa cu e ta tene cuenta cu aki ta trata di mas cu 5 mil kilo. Cocaina ta malo pa salud di hende. Mirando e cantidad esaki lo ta destina pa traficacion y venta cual ta crea hopi problema di criminalidad pa comunidad. Hues ta haya cu Z.D. a contribui na esaki cu su comportacion. Hues a tene cuenta cu castigo cu Hof ta duna y a confirma exigencia di Fiscal. Hues a condena e capitan Z.D. na 15 aña di prison. 

GRUPO DI 9 TRIPULANTE

   Pa e grupo di 9 cu a wordo parti den dos, Hues ta haya e grupo complice di e traficacion. Nan tabata sa na Punto Fijo cu lo bay transporta 5 mil Kilo di cocaina. Tur a yuda trece e saconan di droga abordo. Haya nan culpable di a transporta droga. Hues a bisa cu e no ta kere e declaracion di capitan Z.D. cu ta na rio Orinoco e droga a wordo poni abordo.

   Pa cu e castigo, Hues tene cuenta cu castigo cu Hof ta duna. Hues a confirma exigencia di Fiscal. El a condena e nan na 12 aña di prison. Por a mira cu e castigo tabata manera un baño di awa frieu pa e acusadonan D.Z., N.M., T.B., A.M., V.R., N.M., Z.G., V.L., y D.M.  

 

- Advertisement -

DUNA COMENTARIO

Please enter your comment!
Please enter your name here