Home Bites P.F. Chang’s a lansa su prome restaurant na Aruba

P.F. Chang’s a lansa su prome restaurant na Aruba

782
0
SHARE
- Advertisement -

ORANJESTAD (AAN): P.F. Chang’s, un marca mundial di hopi aña, cu mas di 300 restaurant rond mundo, awor ta añadi un otro localidad. Pa prome biaha den historia, e restaurant Asiatico, cu ta prepara tur plato fresco, ta disponibel pa bishitantenan di Aruba.

   Den fin di siman, Gloria a habri su portanan oficialmente y P.F. Chang’s ta añadi su mes na e compleho di mas cu 6000 m2, ofreciendo cuminda, entretenimento, co’i hunga y pelicula.

   E localidad nobo di P.F. Chang’s ta midi mas cu 500m² y ta inclui un patio espacioso. E restaurant ta un localidad importante den Gloria.  Eddie de Veer, director di MetaCorp a bisa, “P.F. Chang’s ta e destinacion perfecto pa come, specialmente pa famianan di Aruba y nos turistanan”.

   Na aña 1993 Paul Fleming y Philip Chiang a funda e cadena di restaurant P.F. Chang’s China Bistro cual concepto ta di un tradicion di 2000 aña di cushina “wok” y ta conoci pa cushina fresco y un restaurant cu ta brinda un experiencia Asiatico. E decoracion ta inclui murayanan special y pafo e poderoso cabay di P.F. Chang’s. E menu ta inclui e platonan conoci cu ta prepara fresco tur dia den e restaurant, manera e faborito di bishitantenan, esta e Chang’s Lettuce Wraps, Mongolian Beef, Dynamite Shrimp y Chang’s Spicy Chicken, tambe e sushi traha na man, un variedad di dim sum, cocktails special y ofertanan limita.

    Joe Davis, director general di The Movies @ Gloria a bisa, “P.F. Chang’s ta un marca cu ta bonbini na Aruba y un tipo di cuminda cu experencia magistral. Ta cu placer nos a trece e restaurant unico di Asia den e centro di entretenimento nobo, Gloria.”

   “P.F. Chang’s ta emociona pa trece nos patrimonio di wok cooking y experencia superior pa Aruba,” asina Kristen Briede, Vice Presidente di Global Brands na P.F. Chang’s. “Nos ta contento di por contesta e demanda mundial cu e inversion aki di nos marca. Nos no por warda pa yama nos bishitantenan nobo bonbini y introduci nan nos cuminda Asiatico eleva.”

    E restaurant nobo P.F. Chang’s na Gloria a habri como un soft opening den fin di siman, y entrante awe Dialuna ta habri tur dia for di 11:00 am te cu 10:00 pm, y ta aceptando reservacion.

- Advertisement -

DUNA COMENTARIO

Please enter your comment!
Please enter your name here