ORANJESTAD (AAN): Cumpliendo cu tur protocol y reglanan sanitario, e biaha aki Organizacion di pensionadonan publico di Aruba, OPPA, a dicidi na dividi nan Cena di Pasco den dos diferente evento.
Como cu tur hunto no por acomoda den Renaissance Conference Center, e ora a opta pa organiza un Almuerzo, y tambe un Cena.
Diadomingo merdia, presidente di OPPA, Ivo Valdez tabata hopi contento cu e reaccion di nan miembronan cu a acudi na e evento aki. A mira tambe cu tur hende tabata sigui reglanan ora di busca cuminda. Pero e.o. e soppi y tambe postre, a wordo sirbi na mesa.
Entretenimento tabata den man di Robert Thiel y Robert Maduro, cu a sa di anima tanto e evento di merdia, y esun anochi na un forma hopi unico.
Aki por mira un parti di esnan presente Diadomingo merdia na e Almuerzo di Pasco di OPPA.
