Home Gobierno E problema di flexibilisacion laboral ta cu tin cierto dunadornan di trabao...

E problema di flexibilisacion laboral ta cu tin cierto dunadornan di trabao cu ta mal uza e leynan vigente

216
0
SHARE
- Advertisement -

Minister Glenbert Croes:

ORANJESTAD (AAN): Minister di Labor, Glenbert Croes tambe a referi na e tema di flexibilisacion den sector laboral.

El a enfatisa cu pa por tin flexibilisacion exitoso mester tin proteccion y seguridad social.

Croes a indica cu si door di flexibilisacion ta premira cu den prome instancia kisas mas hende lo por ta desemplea, cu of sin flexibilisacion.

E mandatario a bisa cu ta premira desempleo, pero si bin flexibilisacion pa asina un compania por sobrebibi y pa no tur cupo di trabao wordo perdi, e punto ta e flexibilisacion unilateral unda cu por kita un trahador unilateralmente no ta posibel, a menos cu defini un posibilidad pa duna proteccion social na e trahador y asisti nan mientras cu nan ta haya un trabao bek.

El a sigui bisa cu e problema di flexibilisacion ta cu tin cierto dunadornan di trabao cu ta mal uza e propio leynan vigente. E miedo cu tin ta con por bay flexibilisa limitando e posibilidadnan di abuso.

Y sin tin abuso mester actua pa coregi y atende cu e trahador. Pa despedi un hende di trabao mester tin un motibo legitimo. “Simplemente kita un hende for di trabao pasobra en bes du gana 10 miyon florin bo kier gana 20 mil miyon florin sin tene cuenta cu e bida cu bo lo destrui si bo kita un hende for di trabao”, Minister Croes a expresa.

Gobierno tin cu sinta den un dialogo tripartite social-laboral pa yega na un acuerdo pa yega na un balansa nobo unda cu tur hende por sobrebibi, trahadornan y dunadornan di trabao. Si nan sobrebibi, gobierno lo mira fruto den e entradanan ey, pasobra un compania ta keda na bida. ta keda paga belasting y un trahador ta keda cu su cupo di trabao cumpliendo tambe cu su obligacionnan, e mandatario a remarca. 

 

- Advertisement -

DUNA COMENTARIO

Please enter your comment!
Please enter your name here