Home Gobierno Tur mucha tin derecho riba e posibilidad di sobresali den nan bida

Tur mucha tin derecho riba e posibilidad di sobresali den nan bida

12
0
SHARE
- Advertisement -

Minister Glenbert Croes ta acentua

ORANJESTAD (AAN) – Minister di Asunto Social y Labor, a bishita Diahuebs algun scol cu a wordo scogi via tombola, den bispo di e conmemoracion di e Dia Internacional di Derechonan di Mucha cu ta wordo celebra awe, Diabierna 20 di November.

E mandatario, durante su bishita na  Colegio Pastoor Kranwinkel a comparti cu henter comunidad, cu den nomber di Gobierno di Aruba y cu apoyo di señora Sue Ann Lacle-Ras y di e Departamento di Mucha y Hoben encarga cu e Codigo di Prevencion, el a haci un recorido na diferente crèche y algun scol.

E mandatario a bisa cu el a entrega tur alumno dos cos cu significado simbolico. E bookmark y un apple. El a lesa loke ta bisa riba e escrito y cu ta bisa “Como mucha mi tin derecho di crece y logra bira kico mi kier. Durante mi aventura di bida mi ta siña e diferencia entre bon y malo, pa despues mi uza mi experiencia pa forma mi mes, ken mi kier ta, ken mi kier bira”.

E mandatario a expresa cu mescos cu e Apple di Oro, apple ta e simbolo di excelencia ora cu e muchanan ta sobresali. Y tambe ta deseo di gobierno den cuadro di conmemora y celebra e Dia Internacional di Derecho di Mucha, resalta nan derecho pa sobresali den nan bida. “Nos como tata y mama, como docente y tur esnan cu ta hunga un rol den e educacion y formacion di nos muchanan, kier gradici nan pa nan dedicacion na nos yiunan, nos mayornan y pesey e siman aki cu nos ta celebra tambe e Siman di Lantamento di Mucha awo cu nos a inaugura e Centro di Hoben y Famia, bao Departamento di Asuntonan Social, y tur otro fundacion y instancia cu ta hunga un rol grandi den forma e bida di nos muchanan, nos ta spera cu e simannan aki di concientizacion y e siman aki en particular, nos ta bay duna curso pa mayornan pa fortifica e perspectiva di e futuro pa nos muchanan, y fortalece nan den ser miho mayor den bida di nan yiunan, y nos ta kere cu den e nucleo familiar ey nos tin e fundeshi pa nos propio muchanan duna realze na nan propio derechonan y na nan oportunidad pa sobresali”, Minister Glenbert Croes a expresa.

No obstante tur e reglanan cu mester cumpli di e protocolo door di Covid-19, Gobierno kier a brinda e gesto di duna cada mucha un escrito di nan derecho y un apple, como un cariño, pero tambe cu ta simbolo di excelencia y di nan posibilidadnan pa destaca den nan bida.

- Advertisement -

DUNA COMENTARIO

Please enter your comment!
Please enter your name here