Home Labor No por desconta placa for di dia di vacacion acumula di 2019...

No por desconta placa for di dia di vacacion acumula di 2019 pa 2020

41
0
SHARE
- Advertisement -

Debi na coronavirus y Loonsubsidie of reduccion di oranan laboral:

ORANJESTAD (AAN) – Te ainda ta sigui scucha algun opinion publico, di personanan cu asegura cu nan a pidi vacacion na trabao y nan a perde un porcentahe di nan salario, pa cada dia di vacacion tuma, den empresanan cu ta haya subsidio di salario.

            DIARIO a yama Oficina di Labor, unda a pesar cu e personal ta trahando den nan cas, por a logra un contesta di un trahador tocante esaki.

            Facilmente splica di manera simple ta asina aki: ora un persona drenta traha sea den sector publico of priva, su vacacion ta cuminza conta un aña despues di su prome dia di trabao. Esaki kiermen, cu cada aña e trahador ta acumula vacacion di e aña anterior.

            Den e caso di coronavirus esaki no a surgi na 2019. Na 2019 no tabata tin e virus aki, ni FASE, ni loonsubsidie. Asina ta cu e personanan cu ta tuma vacacion durante 2020 esaki ta bin acumula di 2019, di manera cu no por desconta e porcentahe di subsidio for di nan dianan di vacacion. Esey no ta legal.

            Pa aña 2021 ora e trahador tuma vacacion acumula na 2020, e si lo conta pa sector priva unda cu e trahadornan a wordo subsidia pa haya salario. E ora ey si e dia di vacacion ta wordo paga segun e oranan traha y  e porcentahe cu e trahador a entrega na su empresa.

            Pero e no ta conta pa e vacacion acumula na 2019 y si un doño di trabao ta aplica e regla cu lo conta pa vacacion acumula durante aña 2020 pa tume na 2021, e ta actuando robes y e trahador por keha sea cerca su sindicato of Labor mes.

             Esaki no ta conta solamente pa esnan cu ta ricibi loonsubsidie sino pa empresanan cu no ta hayando esaki, pero cu a reduce e oranan laboral di nan trahadornan, y cu no tabata e caso durante 2019.

Asina e informacion cu DIARIO a ricibi ta indica.

- Advertisement -

DUNA COMENTARIO

Please enter your comment!
Please enter your name here