Home General Pa dos siman largo militarnan lo tin training full rond Aruba

Pa dos siman largo militarnan lo tin training full rond Aruba

117
0
SHARE
- Advertisement -

ORANJESTAD (AAN); Durante e dos simannan venidero, Aruba lo ta e escenario di e ehercicio militar “Diabel Preto”, cu ta referi na e mariniernan heroico cerca di Maasbruggen na Rotterdam durante di Dos Guera Mundial.

   For di 22 di September te cu 2 di October, como 120 soldat lo participa den un programa varia, den cual nan lo train e cualidadnan di liderato di e soldatnan. 

    E unidadnan lo bay practica nan habilidadnan basico di infanteria, e.o. e atake amfibico, tiramento, patruyahe, y con pa transporta hendenan VIP den un situacion di crisis.  Habitantenan di Aruba lo por ta testigo e dos simannan venidero di e actividadnan aki di Defensa Hulandes.

   E ehercicio aki ta importante pa sigura cu e militarnan na Aruba ta cla cu nan training basico.  Ademas ta pone un enfasis grandi riba e desaroyo di liderato di e oficial y sub-oficialnan. 

    Durante “Diabel Preto”, lo bay tin extra reto riba nan, cu varios scenario.  Defensa ta pone hopi balor na e desaroyo di e lidernan aki den e organizacion.

   SITUACION COVID-19:

   Durante Diabel reto, lo bay tene hopi na cuenta e medidanan di Covid-19 lo mas posible.  Reglanan manera ‘bon higiena di man,” “distanciamento social”, y “keda na cas si bo ta malo”, ta wordo aplica plenamente.

   Tur soldat participante a puntra di antemano si acaso nan tin sintoma of situacion sospechoso cu nan salud.  Den caso cu nan tin sintoma, e militar ey lo wordo exclui di participa den e ehercicio despues di consulta un medico.

 

- Advertisement -

DUNA COMENTARIO

Please enter your comment!
Please enter your name here