Home Politica No usa excusa di pandemia pa asina pospone investigacion di corupcion

No usa excusa di pandemia pa asina pospone investigacion di corupcion

498
0
SHARE
- Advertisement -

Maria Jose Groot:

ORANJESTAD (AAN): E dama Maria Jose Groot, kende den pasado a participa riba lista di Partido Politico na Aruba, a duna un comentario riba loke a worde divulga Diabierna siman pasa durante reunion di Parlamento na Aruba.

   E dama a bisa cu e ta dunando su opinion personal, y no como miembro di Partido RED.

   El a bisa cu awor Transparencia y Integridad mester ta un compromiso y un regla den programa  di tur Partido Politico.

   Minister cu ta drenta mester haci un auditoria di tur cos cu ta robez y haci un denuncia publico.   El a bisa esey debi cu pa añanan largo nos pueblo ta victima di malversacion y inversion innecesario di placa, pues ta momento pa bin un cambio den esey.

   El a mustra con Ministro Marisol a haci lo corecto y sigur e mester denuncia pa proteha su mes, y pueblo mester sa ta nos placa. Nos tin derecho di sa na unda nos placa a wordo inverti.

   Maria Jose Groot a lesa cu tin hende cu a bisa cu awor no ta momento pa papia over di corupcion, denuncia of papia di e problema aki door cu Aruba ta pasando den un momento dificil.  Net awor ta precisamente e momento pa puntra na unda nos placa a bay. Nos mester warda 30 aña mas pa haya sa?

   Door di mal gobernacion nos pais ta sin placa, siendo cu Aruba  ta e mihor destino di vacantie den Caribe Hulandes. 

   Segun Maria Jose Groot, nos calidad di bida por tabata  hopi mas miho si corupcion lo wordo controla  hopi aña pasa, awor despues cu Aruba a cay den un situacion sin control a mi ta sigur cu nos pueblo  kier sa, tur acto di corupcion, ta nos derecho y  si tin un culpable e mester paga.

   Si ami bay un tienda y horta un paki di lechi, nan ta yama polis pa mi, ley pa un ley pa tur. Corupcion mester bira crimen contra pueblo o sea pueblo vulnerable cu no sa mes na unda e ta perdiendo nan placa.  No usa excusa di pandemia, cu awor Aruba ta pasando pa un problema masha grandi.

   Un salida haci un bon acuerdo y haya e placa cu hulanda  ta ofrece, den 30 aña cu ma biba na Aruba e aña aki hopi mama y tata no por cumpra uniform o material di scol pa nan muchanan. Hasta cuminda falta den un par di hogar.

   Nos pueblo no por tende mas: “Tur cos lo bay den bon caminda, cu Hulanda”.

   Djis acepta e acuerdo y trece Aruba bek den bon caminda y a mi ta sigur cu si nos combate e corupcion , nos por paga bek e placa  y por recupera nos orguyo. Aruba tin 220 mil of mas, nos mester pensa riba Coronavirus y cuanto tempo Aruba lo bay tuma pa normalisa den e periodo post-Covid-19.  Pues nos tin mester di cada cent cu Hulanda lo dispone pa Aruba.

- Advertisement -

DUNA COMENTARIO

Please enter your comment!
Please enter your name here