Home Policial Homber a fayece den cura di cas na Mahuma

Homber a fayece den cura di cas na Mahuma

1257
0
SHARE
- Advertisement -

Polis investigando causa di morto

ORANJESTAD (AAN):   Diadomingo atardi a drenta informe di un caso cu a sosode na Mahuma. Na prome instante tabata papia di un caso di asesinato, pero tambe tabata tin diferente version.

E informe cu DIARIO a haya ta cu un persona a wordo haya morto den cura di su cas y cu un rato prome, e lo tabata tin un discusion cu otro dos persona, pesey e famia tabata tin sospecho cu nan tata lo a wordo agredi y cu pa e motibo ey el a fayece.

Ora cu Polis a presenta na e sitio, a topa cu e persona di fam Krozendijk benta den cura sin duna señal di bida.

Polis lo a laga sa cu e homber no tabata tin señal di agresion riba su curpa. E ora un di e posibilidadnan ta cu e lo a bira malo y fayece eynan mes den cura.

 Autoridad a dicidi pa laga transporta e curpa sin bida pa Dr. Horacio Oduber Hospital pa asina realisa e investigacion pertinente y determina pa medio di autopsia e causa di fayecimento.

DIARIO ta expresa palabranan di sentido pesame na famia y conocirnan.

- Advertisement -

DUNA COMENTARIO

Please enter your comment!
Please enter your name here