Home Policial Guardacosta a intercepta 43 Venezolano di estado Falcon tratando di drenta Curacao

Guardacosta a intercepta 43 Venezolano di estado Falcon tratando di drenta Curacao

229
0
SHARE
- Advertisement -

ORANJESTAD (AAN): Tabata Diamars anochi cu un lancha cu riba di 40 homber y muher di estado Falcon, a sali for di un lugar na San José de la Costa na municipio Píritu, rumbo pa Curacao.

          Cada uno den busca di un mihor bida, y otronan djis kier bolbe purba na drenta e isla.  Lama tabata basta calmo y cu yen speranza e capitan cu dos outboard engine, di cual uno ta di 40HP, y e otro similar pero den mal estado.  Di leu nan speranza tabata creciendo, mirando cu den un rato ya caba por a mira isla di Curacao cu su luznan den horizonte.

            Sinembargo e sistema di marine radar di Guardacosta di Caribe Hulandes a detecta un boto sospechoso ta moviendo for di awa teritorial di Venezuela y ta rumbo pa Curacao.

            Esey tabata un motibo pa nan a pone un unidad di speedboat tipo Metal Shark sali mesora, cu abordo un team di Guardacosta y milicia Curasoleño.

             Nan a logra intercepta nan un poco prome cu nan a yega Caracasbaai, y ta trata di un lancha basta yen di hende.  Tur ta Venezolano indocumenta, consistiendo di 9 muher y 34 homber.  Tambe nan tabatin 2 macaco cu nan.

            Guardacosta a trece nan na e Pier di Kustwacht na Curacao, unda personal di Salubridad Publico a bin test cada uno pa Covid-19.  Despues nan tur cu nan mondkapje bisti a wordo entrega na Polis di Curacao.  Servicio Veterinario a yega pa bay cu e 2 macaconan.

             E Venezolanonan aki ta procedente di area di La Vela na Coro, y nan a spaar hopi placa pa paga pa haci e viahe aki.

              Guardacosta di Caribe Hulandes a indica cu na ta sigui cu nan patruyahe intensivo pa vigila e fronteranan di Aruba, Curacao, y Bonaire.  Tambe nan ta haya asistencia di e barco Zr.Ms. Groningen, y militarnan cu ta vigila e islanan riba tera. 

             Esnan cu mira algo sospechoso tanto riba lama como riba tera, ta ser pidi pa yama 913 pa emergencia.

- Advertisement -

DUNA COMENTARIO

Please enter your comment!
Please enter your name here