Home Parlamento Grupo di restaurant protestando a haya 56.7 miyon florin di loonsubsidie

Grupo di restaurant protestando a haya 56.7 miyon florin di loonsubsidie

129
0
SHARE
- Advertisement -

Parlamentario Endy Croes

ORANJESTAD (AAN) – Den conferencia di prensa di fraccion di MEP, Dialuna, parlamentario Endy Croes a cuestiona e hecho cu e grupo di doñonan di restaurant, cu a organiza un accion di protesta den fin di siman, a wordo yuda considerablemente pa gobierno, cu loonsubsidie.

Esaki protesta a bin despues cu gobierno a anuncia e cambio di horario di toque de queda.

E parlamentario a subraya cu e cambio di horario aki ta pa motibo di salud mirado cu e coronavirus no ta bao di  e control desea, ainda. Tambe a tuma nota cu e cambernan na Hospital ta yenando, y e ora ey a tuma e decisionnan aki den consulta cu organismonan internacional di Miami y Hulanda, y di profesionalnan na cas manera esnan di DVG, e Begeleidings Team den e caso aki.

E parlamentario no ta desea pa Aruba confronta situacionnan manera a sosode na Italia cu hospitalnan a collapse y e profesionalnan den salud a scoge pa salba bida di esnan hoben mientras cu cantidad di anciano a fayece.

Endy Croes ta conciente cu tin medidanan cu no ta popular y cu ta causa dolor, y cu por trapa e interes di esnan cu tin otro horario di trabao, y tin cu ta draai practicamente 24 ora.

E parlamentario a comenta cu den e caso di e grupo concerni nan negoshi ta parti anochi, y tin comprension pa esaki. Den e temponan dificil toch por mira riba Facebook, con turistanan ta apoya e medidanan di precaucion, y nan mes ta sali bay come mas tempran.

El a acentua cu e grupo aki a saca un comunicado di prensa unda nan ta menciona cu e gastonan pa paga ELMAR, WEB, SETAR, como belasting, ta hopi halto y uza e palabra “draconico” cu Prome Minister a expresa contra Hulanda, pa califica e medidanan cu gobierno a tuma responsablemente y cu por ta, nan ta pa dos siman y cada rato ta adapta esakinan depende di e disciplina den pueblo.

Segun e parlamentario e no ta bisa esaki pa trece confrontacion pasobra na e momentonan aki nos pais mester di trankilidad y comprension. Un grupo ta pasa mas duro cu otro, y e ta kere cu hunto por sali for di e crisis aki.

Pero como cu e grupo a yama e medidanan “draconico” y no a bisa e otro banda di medaya, Croes mes a documenta y constata cu gobierno tambe a yuda e grupo en cuestion. E grupo aki tin mas 1600 negoshi y tur a haya ayudo den luna di Mei, Juli y Augustus, den e categoria di Food & Beverage den e sector di acomodacion, manera SVb ta distribui e subsidio di salario. El a subraya cu e grupo aki, cu ta protestando den tres luna a haya 56.7 miyon florin na loonsubsidie.

 

 

- Advertisement -

DUNA COMENTARIO

Please enter your comment!
Please enter your name here