Home arte y espectaculo Fin di luna tin workshop local pa por crea Arte Abstracto

Fin di luna tin workshop local pa por crea Arte Abstracto

40
0
SHARE
- Advertisement -

ORANJESTAD (AAN): Entrante 28 di September, Soul2Soul-Minful Art Gallery ta organizando un serie di 3 dia di workshop di Mindful Art den Cas di Cultura.

   DIARIO a compronde cu e workshop aki ta super interesante cu ta pas den e tempo di stress aki, cu ta yuda visualiza un bida positivo pa medio di arte.

   E workshop ta bay kita stress y yudabo crea bo mesun realidad, y bo ta wordo reta pa na un forma divertido, traha riba bo desaroyo propio.  Despues di esey dia 1 di October, e participantenan por mustra nan arte na publico den un Exhibicion di Arte “The Essence of Me”, hunto cu e artenan crea pa e artista local di arte abstracto, Sharina Gumbs.

   E prome workshop dia 28 di September lo ta dirigi riba “Refill your cup with authenticity”.  Den e curso aki, un momento yen stress ta wordo crea artificialmente y participantenan ta wordo reta pa refleha con nan ta deal cu situacionnan inespera, y alavez siña e habilidadnan basico pa traha arte abstracto bunita.

   E di dos workshop dia 29 di September ta dirigi riba “Reality Check”, unda bo ta reba bo mesun creencia profundo cu normalmente bo no ta ni cuestiona.  Pero awor cu bo ta na altanto di e creencianan aki, bo tin e poder pa forma y re-forma bo mesun realidad, y haya algun control riba bo bida ora cu factornan externo ta impactabo.

   E ultimo workshop dia 30 di September ta “Design your Personality”, unda bo ta usa un Dryfit T-Shirt como canvas y expresa bo personalidad unico den un arte abstracto cu bo por bisti despues.

 

- Advertisement -

DUNA COMENTARIO

Please enter your comment!
Please enter your name here