Home Suceso Fayo riba kabel di tension a pone cu coriente a bay Diadomingo

Fayo riba kabel di tension a pone cu coriente a bay Diadomingo

58
0
SHARE
- Advertisement -

ORANJESTAD (AAN)- Diadomingo ultimo riba 2 diferente ocasion tabata tin interupcion di coriente y pa motibonan fuera di alcance no por a comparti e informacion aki manera custumber riba rednan social.

Ta importante pa comunica cu dos storing a presenta y subsecuentemente tecniconan a resolve esakinan.

INTERUPCION #1

Pa diadomingo exactamente 6:40 PM a surgi un fayo riba kabel di tension halto den area di San Nicolas y a afecta Savaneta (un parti), Rooi Koochi, Mabon, Bruine Wijk (un parti), Caya Jose Geerman, Cura Cabai, Weg Seroe Blanco, Weg Fontein (un parti). Inmediatamente tecniconan di N.V. ELMAR pa dirigi nan mes na e punto di origen y a restaura coriente na e sitionan afecta pa 8:08 PM

INTERUPCION #2

9:36 pm a surgi un fayo riba kabel di tension halto den area di Balashi y a afecta Pos Chiquito (un parti), Jaraweg y Savaneta (un parti). Inmediatamente tecniconan di N.V. ELMAR pa dirigi nan mes na e punto di origen y a restaura coriente na e sitionan afecta pa 11:09 PM

No obstante di a resolve e dos interupcionnan efectivamente, N.V. ELMAR ta pidi disculpa pa no por a raporta esakinan riba rednan social manera custumber. Nan  ta sigui haci nos esfuerso pa mehora comunicacion y conexion cu henter comunidad. 

- Advertisement -

DUNA COMENTARIO

Please enter your comment!
Please enter your name here