Home Politica Aruba mester para pa nos principio esta cu nos Aruba ta ‘baas...

Aruba mester para pa nos principio esta cu nos Aruba ta ‘baas den nos propio cas’

122
0
SHARE
- Advertisement -

Benny Nisbet (PPA):

ORANJESTAD (AAN): Na opinion di PPA varios eror historico a wordo cometi door di  gobierno Wever Croes den curso di tempo cu a hiba na e confrontacion cu Hulanda rond di nan pakete di Ley y un lista di condicion:

            Gabinete siendo cu signatura di MEP cu a organisa e marcha publico contra e Ley di LAFT cu nan a considera ‘entrego di autonomia’ y cu a termina den kiebra di parlamento hamas mester a firma un protocol na november 2018 pa alarga e Ley di Laft  cu eigenlijk a caduca dia 31 di December 2018 pero debi na e protocol cu Min Pres Wever Croes y Min Fin Xiomara a firma cu Hulanda  a keda wordo aplica.

            Ora cu gobierno  Wever Croes a dicidi cu nan lo mester a pidi Hulanda sosten esaki mester a sosode basa riba Statuut articulo 36 so pero gab. Wever Croes a pidi esaki tanto basa riba Statuut como  basa riba e protocol di november 2018 y ta esaki Hulanda a cuminsa usa pa bin cu su condicionnan.

            ‘E eror di mas grandi tabata cu na momento cu Hulanda a manda dos(2) concepto di Ley di Reino plus un hala di condicion cu gobierno Wever Croes   a bay negocia envez di rechasa esaki inmediatamente.

            Otro eror historico  por wordo considera ora Min Pres Evelyna Wever Croes  a biaha pa Hulanda y a bisanan cu e ta regresa Aruba pa crea  un ‘draagvlak’  esaki a crea impression cerca gobierno di  hulanda cu Aruba si duna Aruba tempo Aruba lo baha cabez y  acepta e  pakete Hulandes locual ta nifica entrego di nos autonomia/status aparte y esey pa PPA  ta inacceptabel!

            Pa colmo en vez di atende e ‘interes di pueblo di Aruba’ cu visiblemente tabata den peliger  gabinete Wever Croes a permiti un diferencia di opinion den partido P.O.R  rond di funcionamento di Ministro drs Marisol Lopez Tromp pa desaroya su mes den un problema den coalicion kitando hopi tempo y atencion for di  gobierno y di parlamento pa atende interes general di Aruba!

            PPA ta di opinion cu na momento cu Hulanda a mustra e minimo intencion di mishi cu autonomia arubano gabinete Wever Croes mester a  rechasa esaki y manda e pakete bek pa Hulanda.!

 

STATEN  DI ARUBA OFFICIALMENTE DEN UN SILENCIO KETO BAY!:

            E tristo ta cu te na e momento aki  nos mester cuestiona e  rol di Staten di Aruba  cu No a laga tende di su mes  den Reino Hulandes  ‘meymey ‘di e crisis di COVID 19 y e crisis financiero economico, social mas grandi  den historia di Aruba….ki tristo!

            Parlamento a dedica mas atencion na e problema den P.O.R cu na  e pakete di medida hulandes.

            PPA ta ripiti:  Reunionnan di comision,  asina yama ‘bijeenkomsten’ of mandamento di carta di un fraccion pa fraccionnan den 2de Kamera NO ta representa e voz    constitucional di Staten di Aruba. No laga ningun hende ni wega politico ganja nos pueblo di Aruba!!

            Mester  tene reunion publico di Staten unda Staten lo mester  pasa mocion di Staten cu e posicion di Staten official den djele cual te dia di awe NO a tuma lugar.

            PPA ta cuestiona tambe e carta cu  presidente di Staten mr Ady Thijsen a firma  hunto cu president di Staten di Corsow y St. Maarten. PPA tin entendi cu esaki lo a wordo trata den un reunion di comission di asuntonan Interno(Huishoudelijke aangelegenheden_y NO den un reunion publico di Staten esaki ta cuestionabel.

            Pa colmo ta manda carta mientras cu ainda Staten di Aruba No a tuma un decision  official y constitucional unda Staten ta para den un reunion publico di parlamento.

 

ARTICULO 111.22 DI NOS CONSTITUCION!!

            PPA  un organisacion politico di 70 anja di existencia  a duna su conseho publico na Staten di Aruba algun siman atras. Esaki apesar cu PPA den inicio no a wordo invita pa e reunionnan  cu Min Pres Evelyn a organisa.

            PPA a conseha Staten di Aruba pa usa articulo 111.22 di nos constitucion pa Staten manda  pidi un reunion cu tanto Conseho di Ministro di Reino como cu Staten Generaal hulandes cu ta encera tanto 1e como 2e kamer Hulandes y pa Staten hiba un mensahe fuerte cu Aruba NO por acepta e Leynan di Reino tampoco e condicionnan hulandes al respecto.

            Y cu Staten di Aruba ta keda para riba Statuut pa Reino Hulandes cu ta hopi cla den articulo 36 cu ta wordo considera e curazon di Statuut y ta papia di  ‘hulp en bijstand’ den momento di crisis y  Statuut No ta menciona nada di condicion etc.

            Aruba mester para pa nos principio esta cu nos Aruba ta ‘baas den nos propio cas’ y nos kier pa Hulanda comprende cu nos NO ta permiti pa un semi West Indische Compagnie regresa punto.

            E mensahe lo mester consisti cu Aruba ta rechasa e pakete Hulandes completamente pasobra  e pakete lo ta en pugna cu nos Autonomia/Status Aparte.

 

- Advertisement -

DUNA COMENTARIO

Please enter your comment!
Please enter your name here