Home General Un total di 101 compania a registra nan interes pa desaroyo industrial...

Un total di 101 compania a registra nan interes pa desaroyo industrial di area di refineria

93
0
SHARE
- Advertisement -

ORANJESTAD (AAN): Diabierna atardi a tuma lugar apertura pa entrega di e peticion pa expresa interes pa loke ta Refineria di Aruba (RdA).

Notario Tromp a habri e box cu e expresionnan di interes, mientras director di RdA, Rennie Arends a hiba palabra.

Arends a cuminza na splica algun detaye di e proceso, unda cu el a trece dilanti cu ROE1 tabata pa partidonan experiencia y capacita expresa interes den cuminza  bek cu actividadnan di petroleo, via leasemento y operacion di e instalacion existente y/of modernizacion di esaki.

Parti B di esaki ta pidi pa desaroyo industrial na e localidad disponibel dentro di e area di refineria.

E actividadnan por ta por ehempel actividad di L&G, Transshipment, facilidadnan petroquimico, energia renovable etc.

Di otro banda, REO2 tabata pa partidonan cu ta interesa den haci uso di e area di e refineria pa otro tipo di desaroyo, esta un industria completamente nobo.

E condicionnan pa esaki ta inclui cu e industria nobo aki mester contribui significantemente cu e mercado laboral y desaroyo economico di nos isla.

E actividadnan mester cumpli cu leynan y regulacionnan di medio ambiente y cu e maneho di Reino Hulandes y Merca, pa loke ta relacionnan cu exterior.

Tur esnan interesa mester a download tur informacion pa loke ta registracion pa esaki for di e website di Gobierno di Aruba.

Durante un conferencia di prensa, Andre Kelly, Compliance Officer di Notario Tromp a asisti cu habrimento di e drop box.

Pa loke ta ROE1, algun di e companianan cu a expresa interes ta:

5 Oaks Commodities LLP, AIB Green Technologies BV, AmiraUSA, Amos Global Energy Management LLC, ASECO Europe B.V, ATM2000 Consulting Engineers y Balashi 69 Investments.

Pa loke ta ROE 2, algun di e companianan cu a expresa interes ta:

America Sustainable Development Foundation, Arcadis, ASECO Europe B.V, Asset Life-Cycle Management Solutions, Bright Capital Partners N.V y Carentra VBA.

Pa ROE 1 tabata tin un total di 57 registracion, di cual 38 a cumpli cu e exigencianan pa loke ta e documentonan rekeri.

Pa loke ta e ROE2, 44 compania a registra di cual 34 a cumpli cu e exigencia di documentacion.

 

- Advertisement -

DUNA COMENTARIO

Please enter your comment!
Please enter your name here