Home General Santa Rosa ta bezig cu trabaonan di mantencion di damnan

Santa Rosa ta bezig cu trabaonan di mantencion di damnan

43
0
SHARE
- Advertisement -

Preocupa tambe cu trucknan no registra mira den algun dam

ORANJESTAD (AAN):   Directora di Departamento di Agricultura, Cria y Pesca Santa Rosa, Nathaly Maduro a laga sa cu normalmente nan ta cuminsa cu e trabaonan di limpiesa di e damnan den luna di Maart.

Pero e biaha aki e situacion cu Covid-19 a presenta y aunke Santa Rosa no a cera, cierto trabaonan pafo no a logra haci.

Maduro a indica cu e damnan cu a yena cu awa ta esunnan cu toch a logra caba cu nan y cu tabata e damnan principal cu ta Tanki Leendert, Tanki Flip y a cuminsa cu Palo di Bonchi cu no a gara mucho awa.

Tambe a logra diferente di e damnan chikito y di locual por a controla diahuebs cu ta e dam di Cas Ariba ta uno cu a haya basta awa, a bisa.

Aworaki locual mester tene cuenta cu ne ta awa a yobe. Normalmente awa sa yobe na Juli y ta algo cu ta yuda hopi y warda te fin di aña cu ta e otro temporada di yobida.

Nathaly Maduro pesey a haci un peticion pa uza e awa aki mas responsabelmente posibel. Ya caba a wak algun truck na cierto damnan. Tin un truck cu aworaki ta registra na Santa Rosa cu ta e truck di ‘Sun Garden’ cu ta di un plantacion di chinesnan cu sa busca awa na dam.

     E otro trucknan no ta conoci cerca Santa Rosa. Kiermen, nan no ta registra. Tin miedo cu ta trata akinan di tankinan septico cu ta buscando e awa cu por ta pa un bon intencion, pero mester tene cuenta cu e contaminacion di e awa di e dam, a remarca.

Aworaki Santa Rosa ta bezig ta wak e damnan cu por tin matanan cu door di e awacero por a bin den e rooinan. Ta haciendo eseynan limpi y ademas di esey ta sigui monitorea cual ta e otro damnan cu kisas no a haya hopi awa pa sigui cu e trabaonan di mantencion, Maduro a duna di conoce.

 

- Advertisement -

DUNA COMENTARIO

Please enter your comment!
Please enter your name here