Home General Reunion maratonico di Parlamento a caba sin decision

Reunion maratonico di Parlamento a caba sin decision

446
0
SHARE
- Advertisement -

*Lider di fraccion di POR a pidi pa suspende e reunion te cu proximo aviso

*Minister Marisol Lopez-Tromp a pidi pa haya tur cos por escrito

ORANJESTAD (AAN): Despues di un reunion maratonico den Parlamento pa trata mocion di desconfianza contra Minister Marisol Lopez-Tromp, un mocion, cu mester agrega cu no a wordo entrega mes, lider di fraccion di POR, Dellanire Maduro a pidi presidente di Parlamento pa suspende e reunion.

E motibo pa trece e punto di ordo aki ta relaciona cu e siguiente circumstancianan:

  1. Minister Marisol Lopez-Tromp a trece varios punto dilanti
  2. Delicadeza di e topico
  3. Hopi informacion cu Parlamentarionan no tabatin previo cu e reunion
  4. Varios topico cu a wordo menciona y nan kier mas claridad riba cierto documentonan di Conseho di Minister.

Nan a pidi esaki pa asina nan por tuma un decision di un manera responsable.

Parlamentario Maduro tambe a indica cu Minister President a haci un apelacion diabierna siman pasa na Minister Lopez-Tromp pa reuni den forma di un mediacion y nan a pidi si Minister por duna di su banda y asisti e reunion aki.

Minister Lopez-Tromp a pidi si e por ricibi tur cos por escrito. El a haya documentonan di mediacion y otro documentonan, cu el a bisa cu den prome tanda, no tabata completo. E mandatario a comenta cu e tabata kier sa kico ta bay pasa, pasobra el a bin for di Hulanda cu pensamento cu Parlamento lo dicidi riba e mocion di desconfianza, pero na final a suspende e reunion te na un proximo aviso.

Parlamentario di partido RED, señor Ricardo Croes a bisa cu hopi declaracion a sali durante e reunion, y a base di documentonan cu no a yega y den su opinion esaki mester ta presente.

Tur Parlamentario mester ricibi e documentonan pa kita tur duda y tin transparencia. E ta kere cu tur cos ‘a keda colga na laira’. Na final el a expresa cu Partido RED tin tur confianza den Minister Lopez-Tromp.    

Presidente di Parlamento, Ady Thijsen a dicidi di acepta pa suspende e reunion, considerando cu esaki ta bin di Parlamentarionan di POR mes y e seriedad di e situacion. 

- Advertisement -

DUNA COMENTARIO

Please enter your comment!
Please enter your name here