Home Salud Prioridad pa test Covid-19 ta pa esnan sintomatico, cu rekeri atencion medico...

Prioridad pa test Covid-19 ta pa esnan sintomatico, cu rekeri atencion medico mas lihe

71
0
SHARE
- Advertisement -

 Sharline Koolman di DVG  ta splica:

ORANJESTAD (AAN) – Den conferencia di prensa Diaranzon, Sharline Koolman, Hefe di Departamento di Malesa Contagioso di Salubridad Publico (DVG), a lamenta cu un siman pasa e tabata para den e mesun sala, den conferencia di prensa di gobierno, unda el a alerta enfaticamente, sigui e comportacion di no sigui protocol, ta garantiza cu lo tin casonan nobo di Coronavirus, y esey ta sosodiendo.

Koolman a indica cu Crisis Team, incluyendo direccion di DVG a sigui prepara, pasobra nan sa cu lo a yega momento cu algo asina lo bin y pa tal motibo nan tin nan plannan prepara. Siman pasa sra. Koolman a presenta e parti di Besliscriteria y tur e otro informacionnan tocante mondkapje, etc.

“Pues, no ta asina cu e situacion aki a gara nos di sorpresa;  nos tabata prepara pero toch nos no a verwacht cu nos tin cu confronta cu esaki, aworaki”, Koolman a indica.

El a referi na e procedure di testing y a relata cu mescos cu tur turista cu ta bin Aruba, nan ta test prome cu nan drenta, of nan ta test na aeropuerto. Mescos ta conta pa e hendenan local unda na momento cu un persona tin sintoma e ta tuma contacto cu su docter di cas.

Aworaki nan a haci esaki un tiki mas facil door cu a habri e linea 280-0101 cu eigenlijk tabata dedica solamente pa turista, pero mirando cu no ta turista ta esnan cu DVG mester asisti aworaki, sino e localnan, awo e team tin cu yuda e docternan di cas door di habri e linea aki, di 8 or di mainta pa 8 or di anochi, pa por duna asistencia na e grupo concerni y duna nan mas tanto informacion posible, cu lo yuda alivia e docternan di cas.

“Ora bo yama bo docter di cas of 280-0101, nan lo haci bo algun pregunta. Nos ta pidi pa bo ta sincero, es decir no gaña cu bo tin cierto sintoma y despues ta resulta cu no, pasobra cu esaki bo ta perhudica full e sistema. Lo nos kier yuda esnan cu di berdad tin sintoma, pa nan por haya e ayudo of atencion necesario, mas lihe posible”, Sharline Koolman a señala.

El a agrega cu un persona cu gaña cu tin sintoma solamente pa haya e test, ta stroba otro persona cu enberdad mester di dje mas lihe. El a subraya cu enberdad tur hende kier wordo getest di biaha, pero mester traha a base di prioridad. Y prioridad ta esnan cu mester di asistencia medico mas lihe posible.

Esnan cu tin sintoma pero cu no ta asina malo, cu por cuida na nan mesun cas. Tambe tin esnan cu no tin ningun sintoma pero ta sinti cu nan tabata hopi cerca di un of mas persona, cu a resulta positivo.

“Den e casonan aki nos no a menciona cu nos ta bay pone hendenan den cuarentena den sentido cu mescos cu si ta un turista cu a yega Aruba ta test y despues e ta haya su resultado pero no ta keda den cuarentena. Mescos ta conta pa nos localnan, cu excepcion cu bo ta biba akinan”, Koolman a indica.

- Advertisement -

DUNA COMENTARIO

Please enter your comment!
Please enter your name here