Home Salud Personanan cu ta test pa Covid na aeropuerto ta haya nan resultado...

Personanan cu ta test pa Covid na aeropuerto ta haya nan resultado den un lapso di 7 ora

467
0
SHARE
- Advertisement -

Den casonan excepcional ta dura un tiki mas

ORANJESTAD  (AAN):   E personanan cu ta yega Aruba y cu tin cu haci test di Covid na aeropuerto ta wardando den promedio 7 ora pa haya nan resultado.

Garrith Tromp di Departamento di Salud a duna un splicacion amplio relaciona cu e Aruba Health App cual ta e instrumento cu ta wordo uza pa asina por keda den contacto cu esnan cu ta haci test.

El a indica cu e spera por bay te cu 12 ora, pero esey ta pasa den casonan excepcional.

Manera ta conoci caba, esnan cu ta bin Aruba, sea residente of turista mester upload un test di Covid valido 72 ora prome cu nan viaha.

E mester ta un PCR Test. Den caso cu e pasahero a upload otro tipo di test cu no ta e PCR Test, nan lo mester check un biaha mas aki na Aruba. Mescos cu esnan cu dicidi di haci test na aeropuerto y cu no a upload e test di antemano.

Pa e motibo aki ta a desaroya e Aruba Health App cual ta esun cu lo duna seguimento na e personanan  cu ta drenta Aruba y pa medio di cual por duna informacion relaciona cu e resultado di e test haci na aeropuerto.  

- Advertisement -

DUNA COMENTARIO

Please enter your comment!
Please enter your name here