Home General Ministro Marisol Lopez-Tromp a bin topa hopi spirito riba payroll di su...

Ministro Marisol Lopez-Tromp a bin topa hopi spirito riba payroll di su ministerio

328
0
SHARE
- Advertisement -

ORANJESTAD (AAN): Diabierna mainta, Parlamento di Aruba a trata e reunion cu tin di haber cu mocion di desconfianza contra Ministro drs. Marisol Lopez-Tromp.

   Claro cu e Ministro a haya chens di papia, y el a defende su mes na un forma cu a haya admiracion di hopi hende na Aruba.  Hopi a dune tur atencion, y a scucha uno-pa-uno su palabranan.

   Ministro Lopez-Tromp a elabora, cu desde Januari 2020 cu el a asumi e cartera ey di Ministro, e no a nombra hende pa traha!  Pues e tin 0 hende nomber.

   Tambe el a bisa cu e cantidad di viahe cu el a haci como Ministro, ta di 0 viahe, pues nada.

   El a splica cu na e Departamento di DIP aworaki tin afdeling plat debi na medida disciplinario y cu tin hende manda cas.  Ministro a subraya, cu esaki tin nada di haber cu persecusion, ta bay riba hechos y prueba.

   Ora cu Gobierno a haya presion di Hulanda pa bay baha gasto tur caminda, a cuminza bay check payroll di e Departamentonan, y segun Ministro Lopez-Tromp, el a bin “topa par di spirito cu ta cobra”.

   E kiermeen cu a bin haya nomber di hende poni riba payroll cu nan no sa cu ta traha eynan.   A bay check e contratonan, cierto hende cu antes tabata den prensa, y cierto hende cu no sa ken nan ta.

   Esey ta tipo di cos cu mesora e Ministerio a corta nan hala.

   Pero a bin haya problema, pasobra ta haya su propio lider ta rabia cune, pasobra a kita hende instrumental di partido.  “Pa mi nan ta spirito,” Ministro Lopez-Tromp a bisa.  Corda pa mi sa kico nan a haci.

   Anto eynan aparentemente Partido POR a cuminza stima Marisol menos, pasobra e no ta team player, no por confie, segun Ministro mes a bisa den forma sarcastico.

   Pero e Ministro a mustra riba cantidad di nombramento descabeya, cu ta contra ley, cu suma astronomico di pago, caminda nan ta cobra un salario hasta mas hopi cu e Director.  Hende ta cobra placa siendo cu nan no tin opleiding pe, y no ta presenta na trabao.

   Ministro a bisa, cu envez di aplaudi cu e pasonan tuma pa corta hala ta bon, ata el a  bira problema pa POR.

 

- Advertisement -

DUNA COMENTARIO

Please enter your comment!
Please enter your name here