Home Gobierno Ministro Lopez-Tromp papiando riba e enfasis cu Gabinete aki a pone riba...

Ministro Lopez-Tromp papiando riba e enfasis cu Gabinete aki a pone riba integridad

198
0
SHARE
- Advertisement -

ORANJESTAD (AAN): Diabierna merdia, Ministro drs. Marisol Lopez Tromp a cuminza pa 12:56 pm cu su disertacion den Parlamento di Aruba.  E tabata un reunion pa discuti un mocion di desconfianza contra dje.

   Pa algun tempo caba, Partido POR a haci suplica pa Ministro entrega su retiro.  Pero Ministro Lopez-Tromp a indica cu e lo no retira, pasobra pa haci esey mester tin motibo valido.

  Ministro Lopez-Tromp a splica cu durante su maneho den Gabinete Wever-Croes, el a basa su mes riba e programa di gobierno “Hunto pa Aruba” cu coalicion a aproba.  E ta loke tur Ministro ta traha cune.

   El a splica cu ora cu el a sinta como Ministro dia 28 di Januari, nunca el a spera di bay eherce e trabao importante ey atrobe, pasobra e tabata den Parlamento como lider di fraccion.  Sinembargo a surgi situacion unda lider di POR a haya problema cu Salud y a bisa na September 2019 cu e lo bay retira.  Prome cu esey ya caba el a reuni cu Partido POR pa pidi pa Andin Bikker sigui cu rol di lider di partido, y pa e sigui cu e rol di Ministro di Husticia, y cu peticion pa Lopez-Tromp bay ocupa e asiento di Ministro di Obranan Publico.

   Mirando cu e momento ey ya caba ta bayendo na mitar caminda di gobernacion, y cu e tin experiencia caba cu e cartera aki, el a worde pidi pa asumi responsabilidad cu esaki.

   Sinembargo, Ministro a splica cu el a pasa den un periodo basta rigoroso di screening.  El a splica cu compara cu antes, awor e proceso di screening pa bo bira Ministro, a bira aun mas rigoroso.

   Lopez-Tromp a bisa cu el a corda na December 2019 ora cu Oduber mester a bay cas 12 di December 2019, ainda e mes (Lopez-Tromp) tabata na Hulanda pa trabao.  Y asina cu retrazo, finalmente dia 28 di Januari el a huramenta.

   Den e screening aki, ademas di e control di seguridad di VdA, nan ta hasta check e asunto medico, pa ta sigur cu e ta apto pa asumi e rol di ta un Ministro.

   Unavez cu e screening a pasa, un aspecto primordial den gobernacion Wever-Croes a bira central, unda hasta un Camber special a worde lanta pe, esta Integridad.

   E Integridad aki tin un aspecto importante den dje, esta cu nan ta combati corupcion. Y e ta poni tambe den e programa “Hunto pa Aruba”, pa investiga amplio den tur departamento Gubermanental cu ta sensitivo na fraude.

  Tambe a ser menciona cu lo bay introduci un procedimento nobo anticipando riba ley di contabilidad, cu ora kier desvia di regla di destaho publico, mester manda e decreto ministerial y evalua e motibonan pakico Ministro kier desvia di e regla.  Tur esey pa evita corupcion.

   Apenas cu Marisol Lopez-Tromp a haya chens di drenta, el a haye cu diferente reto grandi y di peso, entre otro di Serlimar di cual su situacion no ta desconoci.  Y ora cu bo ta den asiento di Ministro, bo ta haya tur documento pa atende cune.

   Den tur e cosnan ey, un di e retonan grandi ta keda Serlimar.  Ministro a mencione pasobra e tambe tabata den reunion di Parlamento ora cu na 2019 tabatin asina hopi discusion riba e ley di Serlimar, y cual ley hasta no a worde finaliza.

 

- Advertisement -

DUNA COMENTARIO

Please enter your comment!
Please enter your name here