Home Gobierno Ministro a ripara cu ora Serlimar a stop cierto contractnan esey a...

Ministro a ripara cu ora Serlimar a stop cierto contractnan esey a haci dolor na Partido POR

523
0
SHARE
- Advertisement -

ORANJESTAD (AAN): Diabierna merdia, Ministro drs. Marisol Lopez Tromp a cuminza pa 12:56 pm cu su disertacion den Parlamento di Aruba.  E tabata un reunion pa discuti un mocion di desconfianza contra dje.

   Ministro a splica cu el a huramenta pa cumpli cu e programa di gobernacion titula “Hunto pa Aruba”, cu ta loke tur ministro ta traha cune.  E programa aki ta papia hopi tambe di integridad y con pa reduci corupcion den tur departamento.  Marisol a cuminza traha como Ministro na 28 di Januari 2020.

   El a cuminza papia riba Serlimar Sui Generis, cu no ta un Departamento di Gobierno.

   Segun drs. Marisol Lopez-Tromp, el a bira Ministro y a haya su mes den un situacion riba cosnan di fraude, tambe maluso di placa, nombramentonan cu no a bay normal, etc.

   E prome reunion cu Ministro a tene cu Serlimar, el a bin topa cu e situacion cu un Director cu no ta apto pa e trabao, y bon mes cu Raad van Toezicht a retire di e puesto.  Esey a pone cu Ministro a haya un desafio grandi di busca director nobo y cu ta apto pa enfrenta e reto grandi aki.

   El a ricibi tambe un quickscan cu a mustra cu Serlimar practicamente ta bancarota.  A check e rapport, y e tabata convenci cu ni maske e director y CFO traha di mainta te anochi, e no ta algo facil pa resolve.

   Na luna di Maart net prome cu e crisis di Covid-19 a cuminza, e como Ministro a pidi sosten di Parlamento pa haya 6 miyon Florin como fondo di emergencia pa yuda Serlimar.

   Bon mes cu den Parlamento a haya sosten di mayoria, y esey tabata e unico biaha tambe.  A aproba e suma di 6 miyon Florin, pero Serlimar a dura hopi pa haya parti di e suma, y pesey compania tabata basta manca.

   Ministro a splica cu e reunionnan constant via e app di Zoom Meeting durante lockdown, a ser teni pa asina busca forma pa rescata e compania.

   Segun Ministro, el a bin topa situacion cu no a bay manera mester a bay, y esey  a conduci pakico a retira e Director e tempo ey.  Ministro a bisa cu e no por traha cu un hende cu no por domina e materia y no por hustifica decisionnan, pasobra e ta hinca Gobierno tambe den problema.

   Tempo a sigui pasa y Ministro cada biaha ta haya mas situacion su dilanti.  Y esnan responsable carga nan responsabilidad.

  Te ainda Serlimar no ta manera e mester ta.  Pero e compania dado momento no tabatin rosea mas, y a recuri na surseance van betaling pa haci organizacion financiero paden, pa mira con ta rescata e compania y e pan di trahadornan.

   E situacion tabata di berdad ‘onwerkbaar’, ora e compania tabata tur strangula y responsablemente directiva di Serlimar mes a tuma un decision (nan no ta un departamento di Gobierno) y a escoge pa pidi un surseance van betaling.  E decision ey di Serlimar, no a cay den bon tera cerca Partido POR.  Nan a cuminza cuestiona pakico Serlimar a recuri na esaki cu ta algo cu no mester a haci at all.  Facil pa bisa esey siendo bo no ta den mi zapato.

   “Ami a haci mi best pa nada tranca, sacrificando ora y tempo y tambe weekend pa purba yuda salba Serlimar,” Ministro a bisa.  E decision aki y varios mas, a wordo tuma pa sanea un compania, e no ta manera departamento cu nan ta bisa tin demasiado ambtenaar, no por kita hende, cu LMA, etc.

   Pa colmo CAft a pone condicion cu Serlimar no mester ta risico mas pa Land.  Den e proceso ey, contractnan a termina.  Como director nobo y responsable, e no por bay prolonga contractnan siendo cu Serlimar no tin placa.

    Lopez-Tromp a splica cu Serlimar no ta un departamento di Gobierno y e ta un Sui Generis.  Esnan den Board ta carga nan responsabilidad personal y ta pa nan pa tuma decision y tambe e Director.  Segun Ministro, e ta contento cu el a haya director cualifica y no-nonsense pa e trabao.

   Segun contract tabata termina y cu bo no por prolonga, debi cu no tin placa.  Cu tur e presion pa nombra hende rabia pasobra no por pone nan bek.  Y hendenan cu mester traha cu nan tambe.

   Si nan no ta necesario y ta hopi caro, tabata cera e contract.  Esey ta daily operations a tuma decision.  Tin contract cu a worde corta, y otronan hasta termina.  Ora cu tin Surseance van Betaling tin un bewindvoerder apunta pa Huez pa check con e decision ta wordo tuma.

   Den tur e periodo ey, mester a sigui traha pa cuida e lugar, Director bay na TV y radio pa pidi pueblo paga, y contribui.  Pero nunca Serlimar a haya e 6 miyon full, djis un parti di dje.

   Den parti di contract a haya situacion dificil, ora cu den Gobierno a pidi pa crisis pa corta salario, y esey a trece hopi discusion den Conseho di Ministro.

  Parlamento tambe mester a tuma decision, si ta papia di stabilidad, e tempo ey no por a mira esey ningun caminda. 

- Advertisement -

DUNA COMENTARIO

Please enter your comment!
Please enter your name here