Home Gobierno Minister Presidente a instrui minister Lopez-Tromp pa tuma accion como minister responsable

Minister Presidente a instrui minister Lopez-Tromp pa tuma accion como minister responsable

465
0
SHARE
- Advertisement -

E dos biahanan cu nan a reuni:

ORANJESTAD (AAN) – E declaracion di Minister Presidente mr. Evelyn Wever-Croes, den conferencia di prensa Dialuna 3 di Augustus, tabata extenso y entre otro, el a splica kico el a palabra cu Minister Marisol Lopez-Tromp, ora nan a reuni tocante e cosnan “straño” cu e mandatario tabata topa cune.

Nan tabata tin dos reunion den cual Minister Lopez-Tromp tabata bin bise di e cosnan straño cu e tabata topa cune, y cu Minister Presidente a haya cu ta cosnan cu no mag sosode.

“Mi a bisa Marisol ‘percura pa bo tin un verslag, pa bo tin documento y percura pa haci investigacion. Ta e minister ta responsable pa su ministerio’. No ta e ta bin cerca mi, pa mi haci su trabao p’e”.

“Y como minister responsable bo (Marisol) tin cu haci investigacion di tur loke bo a tende, sea di bo mes of un investigacion forensic, y percura pa duna keho. Y si bo mes no por bin cerca mi, mi ta yuda bo cune”, e Premier a señala.

Minister Presidente a reitera cu esaki tabata su contesta riba tur e casonan cu Minister Marisol Lopez-Tromp a trece su dilanti, y e mandatario a asegura cu e tabata haci esey, segun Prome Minister.

“Mi no a haya documento di locual el a bisa mi pero muy probablemente, nan lo ta na caminda”, e mandatario a agrega.

Minister Presidente a keda sorprendi cu cierto cosnan cu el a scucha den Parlamento, cu claramente e mester investiga. Asina e dama a expone.

E mandatario a trece dilanti cu tin cierto caso cu tin retraso, y cu e mes a insisti y a entrega keho. “Ta trata di e momento cu Parlamentario Bosman a dicidi di pone riba su wall di facebook, un analisis tocante e incinerator, cual por cierto e dianan aki ta blanco di critica tambe. Mi a yama e minister inmediatamente ora mi a wak esey, pasobra señor Bosman a mande pa mi directamente”, Prome Minister a indica.

El a sigui splica cu el a yama e minister mesora y a puntre kico di berdad tin den tur loke e ta wordo acusa pa Bosman, y kico el a haci cu e informacion cu Bosman a pone riba su facebook.

“Ora cu mi a ripara cu nada a wordo haci ainda al respecto, mi a pidi pa e minister traha un rapport. E departamento a traha un rapport caminda e ta refuta cada un di e acusacionnan cu ta wordo poni riba papel, pa asina nos por bay Ministerio Publico cune”, e mandatario a duna di conoce.

E mandatario a menciona cu despues cu el a tarda, y door di hopi insistencia di su parti, por fin el a haya e rapport siman pasa, cual ta hopi extenso y a mande pa Ministerio Publico mesora pa su investigacion.

El a reitera cu asina e ta traha cu tur su ministernan. E ta insisti pa nan tuma accion y si nan ta tarda e ta tume pa nan. Asina tambe cu Minister Lopez-Tromp.

- Advertisement -

DUNA COMENTARIO

Please enter your comment!
Please enter your name here