Home Gobierno Marisol asombra cu Andin tin asina hopi reto cu Polis, KIA, y...

Marisol asombra cu Andin tin asina hopi reto cu Polis, KIA, y Guarda Nos Costa y toch kier mete den Medio Ambiente

207
0
SHARE
- Advertisement -

ORANJESTAD (AAN): Diabierna merdia, Ministro drs. Marisol Lopez Tromp a cuminza pa 12:56 pm cu su disertacion den Parlamento di Aruba.  E tabata un reunion pa discuti un mocion di desconfianza contra dje.

   Ministro dado momento a splica con el a bin haye cu otro Ministro ta mete den su cartera di Infrastructura y Medio Ambiente.

   Aki Ministro Marisol Lopez-Tromp a mustra con Ministro di Husticia Andin Bikker tin hopi reto caba cu Cuerpo Policial Aruba, cu e casonan di Guarda Nos Costa, cu problemanan na Prison di KIA, etc.

   Cu hopi problema riba su cabez, toch Ministro Bikker tambe kier bin bisa algo y dicidi riba tereno di Infrastructura y Medio Ambiente, y kier traha cambio di ley pa cu Spearfishing y impone riba Ministro di medio ambiente.

   Ministro Marisol a bisa cu Aruba tin di tene su mes na reglanan y tratadonan internacional.  Pero toch ainda e Ministerio ta flexible, y ta cla pa traha cu e piscadornan, y esey ta algo cu e Departamentonan manera DNM tambe kier haci.

   Segun Ministro, e ta laga conseheronan mira e idea, pa asina yuda.  Como Ministro e semper tabata kier a tuma decision drechi, integro, pasobra den su palabra, ningun hende no kier worde lanta mainta door di un razzia pa motibo di trabaonan no netchi haci.

   Den e programa di Gobierno di Coalicion, Ministro Lopez-Tromp a lesa cu ta poni pa e Gabinete Wever-Croes tin di reforza, amplia y moderniza e ley di proteccion di naturaleza pa cumpli mas cu su obhetivo.  Pa preveni cu ta comete infraccion contra leynan di naturaleza y medio ambiente.  Tambe ta poni cu Gobierno Wever-Croes kier intensifica trabao di control y impone sancionnan severo contra tur compania cu haci daño na medio ambiente tanto riba tera como den lama.  Pesey e Ministerio a percura pa cumpli cu e acuerdo.

- Advertisement -

DUNA COMENTARIO

Please enter your comment!
Please enter your name here