Home Parlamento Fraccion di MEP cu serie di 45 pregunta encuanto iregularidadnan cu Ministro...

Fraccion di MEP cu serie di 45 pregunta encuanto iregularidadnan cu Ministro Lopez-Tromp a divulga

136
0
SHARE
- Advertisement -

ORANJESTAD (AAN): Dialuna mainta trempan net pafo di Cocolishi na Playa, e dos Parlamentarionan di MEP, esta Rocco Tjon y Endy Croes a hiba palabra pa duna informacion na prensa riba un serie di pregunta cu nan a manda pa Prome Ministro Evelyn Wever-Croes despues cu Ministro Marisol Lopez-Tromp a divulga cantidad di caso dudoso durante reunion di Parlamento teni Diabierna.

   Lider di fraccion di MEP, Rocco Tjon, a mustra cu nan a manda un serie di 45 pregunta na Premier Wever-Croes, despues cu nan a haya hopi informacion durante e reunion publico di Parlamento, unda Ministro Marisol Lopez-Tromp a trece hopi detaye, y informacion cu tin di haber cu iregularidadnan cu el a topa na e.o. Departamento di DIP, Departamento di DOW, y tambe na Serlimar Sui Generis.

   Ta importante pa Parlamentarionan haya tur informacion riba esaki, y tambe haya tur documento.  Pesey a manda e serie di 45 pregunta na Premier Wever-Croes.  Nan a haci esey, debi cu Ministro Lopez-Tromp durante e reunion a indica cu tur informacion aki el a comparti tambe cu coleganan Ministro y cu Prome Ministro di e isla.

   Pesey e 45 preguntanan ta relaciona cu e iregularidadnan haya na DIP, esnan na DOW, y tambe na Serlimar, por ehemplo cu a wordo splica cu hopi corupcion a wordo haci cu casnan na Sero Colorado y cu henter Conseho di Ministro na ta altura di esey.

   Nan kier sa kico ta e actonan di corupcion cu a tuma lugar, y tambe como Parlamentario nan kier mira e documentonan tambe relaciona cu esey.

- Advertisement -

DUNA COMENTARIO

Please enter your comment!
Please enter your name here