Home Bites Elements Restaurant ta revela renobacionnan gastronomico

Elements Restaurant ta revela renobacionnan gastronomico

196
0
SHARE
- Advertisement -

Ofertanan nobo pa e escena trendy vegano

ORANJESTAD (AAN):  Bucuti & Tara Beach Resort a probecha di e trankilidad di e ultimo lunanan pa renoba y refresca Elements restaurant y den e proceso nan a crea platonan innovativo pa nan menu popular vegano.

             Elements restaurant, reconoci pa su View to Dine For y ganador di varios premio internacional y den Caribe lo continua di sirbi platonan vegano y su specialidadnan continental.

             Michelin-trained Chef Marc Giesbers, Director di Food & Beverage na Bucuti & Tara, y su team a tuma e oportunidad pa reimagina e experiencia gastronomico unico riba Eagle Beach. 

Renoba y elegantemente social distance

            Elements Restaurant semper a brinda un experiencia sumamente romantico door di permiti mesanan pa dos, cu suficiente distancia for di otro pa laga cada pareha sinti manera nan ta e uniconan na mundo.

            Social distance no ta nada nobo, e ta un norma. Ademas di esey, parehanan por reserva un cena romantico den un cabana priva riba beach unda nan lo wordo sirbi un menu completo y un boter di Champagne of biña inclui mientras nan ta wak e solo transforma den streyanan briyante.

            E inversion di mas notabel ta su deck completamente nobo mirando Eagle Beach, cu pa rasonnan obvio ta wordo reconoci como un di e “Dream Beaches of the World.”

             E resort di mas eco-certifica di Caribe y e unico hotel carbon-neutral, a escohe un mescla innovativo di 95% materialnan recicla. E fabricacion ecologico ta recupera tur desperdicio y ta elimina e uzo di kimico peligroso.

            E diseñador di resorts luhoso Dada Designs di Miami a diseña e componentenan estetico di e renobacion. E mes un team a guia e conceptonan di laidback luxury den e Tara Wing na 2017 y e actualisacion di e Bucuti Wing na 2020. 

Menu Vegano ta expande danki na un demanda mas grandi

            Elements restaurant ta ofrece mas cu solamente un menu – tin menu pa vegano/vegetariano, gluten-free y platonan internacional cu steak y seafood sostenibel.

            Aruba su escena vegano y vegetariano ta creciendo y danki na e menu amplio, innovativo y premia di Elements, bishitantenan local  y internacional por tin un experencia gastronomico espectacular y nutritivo.

            Mientras Chef Marc’s su platonan high-end di steak y seafood ta constantemente wordo reconoci y admira, e demanda nobo pa platonan mas saludabel y a base di berdura a causa e expancion di e restaurant su menu vegano.

            Desde veganonan dedica te cu clientenan cu ocasionalmente ta buscando un alternativa saludabel y cu hopi sabor, e menu vegano ta combina sabornan internacional.

           Platonan clasico cu un twist moderno, otro nan cu sabornan Latino y di Oriente, e team ta traha hunto cu agricultornan local pa asina produci tayonan cu ingredientenan local. E menu por ta inclui:

  • Layered Roots of the Andes: Capanan di batata cu truffles, batata dushi machika, rooibiet marina den basilica cu pida nan di awacati sirbi cu chips di wortel y acompaña cu un pulp di paprika cora.
  • Gado-Gado Entreé Salad: Elements su adaptacion na e plato Indones clasico componi di Tempeh, spruit, bonchi berde, wortel, paprika, cilantro, kool tempera, complimenta cu pinda saus y riba noodles di aros.
  • Range-free Steak: Un steak traha di lenteja sirbi cu un saus di berdura cushina y combina cu un mosaic di calabas, wortel y batata di fondant clasico.
  • Agave and Cardamom-infused Pineapple Quinoa Margarita : Inspira door di sabornan Latino Americano, e quinoa aki ta infunda cu agave nectar y ta wordo corona cu un chutney di lamunchi y piña enrikece cu cardamom, termina cu un hint di saus di strawberry.

            Chef Marc, un chef reconoci pa a cushina y crea restaurantnan di halto nivel, a haci pa Elements restaurant a wordo premia cu un Wine Spectator 2020 Award of Excellence pa su seleccion di biña diverso, sostenibel y cu ta surpasa expectativanan di e clientenan internacional di e resort.

“Despues di a experimenta y investiga pa lunanan, mi team culinario y ami a mehora e sabor y salud di nos cumindanan tradicional y moderno, y nos ta hopi orguyoso di nos menu vegano nobo na Elements restaurant,” Chef Marc Giesbers Director di Food & Beverage na Bucuti & Tara Beach Resort ta conta.

Elements restaurant ta adults-only y ta disponibel pa huesped di e resort y localnan. Reservacionnan ta wordo recomenda. The SandBar ta reserva exclusivamente pa huesped di hotel. 

Bucuti & Tara: E Vakantie di Mas Saludabel y Sano di Caribe

            Manera e hotel di mas eco-certifica den region, Bucuti semper tabata tin atencion mayor pa salubridad y seguridad di su huespednan y e planeta. Su protocolnan di seguridad nobo contra COVID-19 a wordo guia door di e reglanan y recomendacionnan di Center for Disease Control, World Health Organization y tambe a wordo evalua personalmente door di docternan y verpleegsters di ICU (intensive care unit) cu a keda na Bucuti & Tara durante e lunanan di Maart y April.

            Cu e experencia di check-in completamente touch-free, combina cu protocolnan di seguridad grado hospitalario y hi-tech, y cu Aruba su seyo di Health & Happiness Code, huesped por ta sigur cu nan por relaha y ta den vacation mode durante nan estadia na Bucuti & Tara Beach Resort.

- Advertisement -

DUNA COMENTARIO

Please enter your comment!
Please enter your name here