E ta haci un yamada na gobierno pa atende cu e holo insoportable di e dump

    446
    0
    SHARE
    - Advertisement -

    Tiziana La Torre, habitante di Parkietenbos:

    ORANJESTAD (AAN) – Tiziana La Torre, habitante di e area di Parkietenbos, y manera e otro habitantenan di e bario nan ta biba y manera cu biento cambia, nan tin cu soporta un holo insoportable cu ta bin di e dump.

    Kico cu tin eynan ta bin riba nan cas, y aworaki tin incinerator cu, si e biento ta bon nan no ta haya molester, pero ora e biento bira e habitantenan ta haya tur molester y tur mal holo.

    Esaki ta un preocupacion no solamente pa e habitantenan di e lugar, sino pa henter Aruba, pasobra asina cu biento bira e no ta stop den e bario pero ta bay te Wayaca, Dakota, Noord, etc., pero habitantenan di Parkietenbos ta sufri mas tanto di dje.

    La Torre a splica cu ora nan tin cu keda den aire acondiciona e gastonan ta entre 300 pa 600 luna, depende di e situacion cu nan ta confronta. Hasta cu airco cendi, e holo ta penetra den nan cas.

    Esaki ta un riesgo grandi di salud pa grandi y chikito y como habitante cu tambe ta reclama mescos cu Sra. Balentina, entre otronan,  La Torre ta haya cu tin hopi negligencia di tur forma for di instancianan, y hasta door di esnan cu ta lanta pa bringa pa e bario, cu no ta keda insisti. Nan ta cuminza cu brio pero despues no ta sigui riba e problema. El a haci un yamada na gobierno y tur instancia consisti. El a comenta cu si Sra. Balentina ta bisa cu ora e ta yama polis, polis ta hari’ e, kiermen mester bin seriedad di e parti di autoridad y di tur banda.

    - Advertisement -

    DUNA COMENTARIO

    Please enter your comment!
    Please enter your name here