Home Hudicial Caso asesinato na Jaburibari e luna aki den Corte Superior

Caso asesinato na Jaburibari e luna aki den Corte Superior

615
0
SHARE
- Advertisement -

Despues cu el a keda condena na 15 aña di prison

ORANJESTAD (AAN): E Canades Michael Gibson, acusa di cu 1 Mei 2017 a asesina e Chines H. Quach den un apartamento na Jaburibari y tambe posesion di arma di candela, e luna aki lo presenta den Corte Superior.

    CONDENA DI 15 AÑA DI PRISON:

    Na October 2019, Hues, despues di lunanan largo di cada vez posponemento y tambe cu e acusado Gibson a deshaci di su abogadonan mr. Mohamed y mr. Illes, a dicta sentencia. Hues a bisa cu abogado mr. Marchena a trece algun punto padilanti cu e kier reacciona ariba. El a mustra cu e abogado a cuestiona cu e derecho di por haci pregunta na testigonan a wordo viola. Hues a bisa cu e homber J. y e muher C. a wordo scucha na Canada pero nan no ta corda mucho cos di loke a sosode.

   Un otro testigo a wordo asesina. E otro testigo F. no por a wordo interoga pasobra no por a hay’e na Canada. Hues a sigui bisa cu e pregunta ta si por usa declaracion di e homber F. Hues ta haya cu segun sentencia di Corte Supremo, por usa e declaracion di F. pasobra tin pruebanan adicional. El a mustra cu a haya muestra di polvora di tiro riba man di Gibson.

   Tin declaracion di e homber J., cu tabata den e camber ora cu e tiramento a sosode. E homber a bisa cu tabatin un discion entre Gibson y e Chines y Gibson a coy un arma y tira Chines den cabez riba un distancia hopi serca. E dama C. tambe ta declara den mesun direccion. Na opinion di Hues, esey ta suficiente pa usa e declaracion di F. tambe.

   Hues a bisa cu e ta haya legalmente proba cu Gibson a tira mata e Chines y tabatin un arma den su poder. Hues a rechaza abogado su ponencia cu e declaracionnan no ta bisa e berdad y cu e testigonan a palabra pa declara contra Gibson. Hues a mustra cu e promer persona cu a wordo interoga pa Polis tabata e homber J. y su declaracion no a wordo divulga. Despues a bay scucha e otro testigonan. Hues no ta mira con por papia di a palabra pa declara contra Gibson. Hues tambe a rechaza e ponencia di abogado cu un otro persona lo a tira.

   Hues a bisa cu e ta haya Gibson culpable di a tira mata e Chines. Hues a tuma Gibson na malo cu e forma cu a tira mata e Chines, cu ta un forma serio di asesinato. E asesinato aki a sacudi henter comunidad. Hues a bisa cu e ta sigui Fiscal su exigencia. Hues a condena Gibson na 15 aña di prison, kitando e tempo cu e ta sera den KIA.

   APELA SENTENCIA:

   DIARIO por a compronde cu Gibson no ta di acuerdo cu e sentencia y el a apela. Informacion cu DIARIO ta dispone di dje ta mustra cu Diamars 25 Augustus 2020, e apelacion di Gibson lo wordo atendi pa Hof di Corte Superior. Posiblemente, mirando tur e situacion di Coronavirus, e caso aki lo keda posponi.  DIARIO lo informa lectornan kico tur ta sosode den sala di Corte di Husticia di Aruba.

- Advertisement -

DUNA COMENTARIO

Please enter your comment!
Please enter your name here