Home Deporte Bayendo bek na 1966 cu Eddy Ras den team di Aruba Juniors

Bayendo bek na 1966 cu Eddy Ras den team di Aruba Juniors

447
0
SHARE
- Advertisement -

ORANJESTAD (AAN): Diasabra mainta lo tuma lugar e entiero di Eddy Ras, kende ta un gran deportista cu a nifica hopi pa Aruba, y cu a duna hopi hende les pa asina nan progresa den nan ramo di deporte.

   E ceremonia di entiero lo bay ta na Centro di Bario Playa Pabao.

   Aki por mira e inolvidable y sublime equipo di Aruba Juniors, cu tabata campeon di Aruba, y campeon invicto di 1966-1967 y Eddy Ras tabata forma parti di e team.

   E tempo ey tabatin 16 wega gana, 2 empata, cu 96 goal na fabor y 16 goal contra.

   Aki por mira riba e potret, para d.r.p.d. Victor Albus, Eddy Backer, Eric Ale, Watty Vos, Monchi Reyes, Porois Tromp, Donny De Windt, Shonpapa de Windt, Luisito Vingal.

   Tambe por mira sinta Lutty Burleson, Juan Kemp, Pacheco Tromp, Freddy Brown, Eddy Ras, Marco Lopez.

   Aruba y Deporte a perde un gran yiu di tera den persona di Eddy Ras cu a fayece na edad di 70 aña. Eddy tabata un deportista cu a practica diferente deporte. Eddy entre otro a hunga Baseball, Futbol, Softball, Basketball su wega faborito tabata Tennis.

   El a yega participa como deportista den weganan di Reino tambe.

   DIARIO Deportivo ta gradici famia Mai Mateo pa a facilita e dato y potret, alavez ta desea forza na famia nan di Eddy Ras.

 

- Advertisement -

DUNA COMENTARIO

Please enter your comment!
Please enter your name here