Home Bites Aruba Mariott Resort & Stellaris Casino celebrando 25 aña na Aruba

Aruba Mariott Resort & Stellaris Casino celebrando 25 aña na Aruba

136
0
SHARE
- Advertisement -

Aruba Marriott Hotel & Stellaris Casino a habri su porta oficialmente na Aruba. Esaki a sosode riba un diaranson 30 di Augustus 1995. DIARIO, e tempo ey, tabata testigo di e gran acontecimento aki.

Awe, 25 aña despues, DIARIO ta sigui celebra cu Marriott y cu e comunidad di Aruba e logronan grandi di e cadena internacional prestigioso y lider den mercado hotelero.

Si bay bek na e inicionan, no por laga sin menciona cu Marriott Corporation a wordo funda na Merca door di William (Bill) y Alice Marriott.

Tur cos a inicia na 1927 cu un negoshi chikito di benta di cerbez: The Hot Shoppe, cu un inversion di 2500 dollar, pero cu e tempo ey sigur tabata un inversion hopi grandi.

Bill ta yiu di un criador di carne di e estado di Utah. Cu  su vision y metanan bon delinea, el a logra drenta e negoshi hotelero na 1957 cu e apertura di ‘Twin Bridges Marriott Motor Hotel’, ubica na Arlington, Virginia.

Esaki tabata un hotel innovador di 300 camber ya cu e guestnan no tabata tin mester di baha for di nan auto pa haci ‘check-in’. Nan tabata hacie via un sistema di ‘drive-in’.

Asina ey, e cadena di Marriott a cuminsa crece cu rond di 800 hotel na 25 pais durante e añanan. Tabata trata di hotelnan di 4 y 5 strea, e hotelnan Courtyard (mas modera den prijs), esunnan Fairfield Inn (mas economico), tur como parti di Marriott.

Banda di esaki e hotelnan Residence Inn, cu un concepto specialmente pa personanan cu mester keda hospeda pa un tempo mas largo.

Sinembargo, na 1993, Marriott Corporation a stop di existi y a parti’e den dos diferente compania: Marriott International y Host Marriott (specialisa den real estate, consecionnan di airport y ‘toll road’).

Ora cu na 1995 a inaugura Aruba Marriott Resort & Stellaris Casino, esaki a bin cay bao di Marriott International, cual ta e negoshi hotelero.

Marriott International tin mas di 30 brand y mas di 7000 propiedad den 131 pais rond mundo.

Actualmente, Aruba Marriot complex tin un total di 1200 asociado y Aruba Marriott Resort & Stellaris Casino ta conta cu 742 asociado.

- Advertisement -

DUNA COMENTARIO

Please enter your comment!
Please enter your name here