Home Parlamento Alan Howell indicando cu sea Ministro ta keda of Gobierno henter ta...

Alan Howell indicando cu sea Ministro ta keda of Gobierno henter ta bay cas

235
0
SHARE
- Advertisement -

ORANJESTAD (AAN): Parlamentario Alan Howell di Partido POR, durante e reunion di Diabierna mainta pa trata un mocion di desconfianza contra Ministro drs. Marisol Lopez-Tromp, a manda un mensahe directo pa e mandatario.

   El a basa su mes riba e notula firma pa 7 Ministro cu tin desconfianza den Ministro Lopez-Tromp.

   Howell a mustra cu e reunion ta importante, pasobra sea e Ministro ta keda of Gobierno henter ta bay cas.

   Ministro mes dado momento no a compronde esaki.  Pero en general hende a mira esaki cu si acaso Ministro keda ocupa e puesto, e ora Howell lo bay y esey lo pone Gobierno perde mayoria y cay.

   Howell a bisa cu nan ta den e reunion pa trata e tema di mas agradable cu tin.  Segun Howell, cualkier persona cu poco logica cu ta mira cu un President di Parlamento ta yama reunion durante reces, ta pasobra e tin gravedad cu ta trece pais y gobernacion na peligro.

   Segun Howell, no ta tratando e tema si acaso Ministro Marisol Lopez-Tromp a haci corupcion.  Tampoco ta tratando Diabierna si acaso e Ministro a haci fraude.  E cuestion di e reunion ta di con e situacion a origina cu e Partido.

   Partido POR a purba tur manera pa trece comunicacion bek pa kita e friccion cu tin.  Despues cu via ningun manera a logra restablece e paz y trankilidad entre nan y e Ministro, e ultimo recurso a bira pa via Partijraad, cu ta bay pidi e Ministro pa e entrega su cartera.

   E motibo cu POR a pidi pa e cartera, pasobra te e partido a trece dilanti e sugerencia pa Marisol Lopez-Tromp a bay sinta como Ministro.  Na momento cu e partido a bisa cu e no tin confianza mas den Ministro, normalmente e ta entrega su retiro.

   Den caso specifico aki, Ministro a bisa cu e no ta bay retira pasobra den su opinion e no a haci nada malo.  Na varios ocasion e Ministro a bisa cu si bo kier bahe, tin di bay Parlamento.

   Si e Ministro a dicidi di bay di su mes, e ora Diabierna mainta nan no tabata den e reunion tratando e mocion di desconfianza.

   Partido POR a trata di regla e cuestion aki internamente, pero esaki tampoco no a logra ni via un 3er persona.  Pasobra ta un biaha so Ministro a sinta.

   Ainda POR a trata di hinca awa den biña pa mira si por comunica cu e Ministro.  El a bisa cu nan no tin nada personal contra Ministro.

   E sorpresa di mas grandi ta ora cu POR a kere cu e situacion ta un conflicto intrernamente den POR, a resulta cu esey no ta e caso.  Pasobra den Gobierno tambe tin Ministronan ta expresa cu nan tampcoo no por traha cu Ministro Marisol Lopez-Tromp.  Esaki a bin ta refleha despues cu riba insistencia di Ministro Lampe di Partido RED, a bisa cu pa trata di mira si por yega na un mediacion manera cu ta poni den acuerdo di Gobernacion.  Aki tambe a cana e caminda coecto ey pa mira kico por yega na dje.

   Resultado di e mesun mediacion aki cu Partido RED a propone, a sali na cla cu di berdad e lo no logra, y e relacion lo no drecha.

   Resultado di e Comision di Mediacion, a bisa claramente cu durante e reunion a haya splicacion amplio, cu dia 24 di Juli 2020 tabatin reunion di Coalicion unda decision a cay pa institui un Comision di Mediacion pa conseha e partidonan encuanto e impasse den terminacion di confianza POR den nan Ministro.

   Ademas cu a base di e decision di Conseho di Ministro dia 24 di Juli 2020, por conclui cu tur otro 7 Ministro basicamente a duna señal cu no por traha mas cu Ministro Marisol.

 

- Advertisement -

DUNA COMENTARIO

Please enter your comment!
Please enter your name here