Home Comercio Action Coach Aruba, Departamento di Asuntonan Economico y Press play cu sosten...

Action Coach Aruba, Departamento di Asuntonan Economico y Press play cu sosten pa empresanan

51
0
SHARE
- Advertisement -

Via campaña “We’re open for Business”

ORANJESTAD (AAN) — Dave Martinus di Action Coach Aruba, a yama un conferencia di prensa, unda conhuntamente cu Press Play y Departamento di Asuntonan Economico, a lanza e campaña “We’re Open for Business”.

Dave Martinus a inicia, bisando cu door di e temporada di Covid-19 cu Aruba ta pasando den dje, y cu ta periodo bastante dificil, un di e aspectonan cu a resalta ta cu e companianan local a haya nan mes den un situacion cu nan ta struggle cu placa cash, pero tambe con pa haya clientenan y con por yuda circula e economia di e pais.

Esaki ta circumstancianan bao cual henter nos poblacion ta wardando riba un recuperacion, cual no ta facil door di e situacion di covid-19 aki.

Mirando esaki, Martinus ta comenta cu esaki ta nifica cu e companianan ta keda cu e reto hopi grandi di haya cliente y movecion di Aruba su economia mas hopi posible.

Consecuentemente, el a agrega, tin hopi compania cu mester sufri, of ta hopi bao stress, of mester cera.

Pesey Action Coach Aruba, Press Play y Departamento Economico a bin cu e campaña “We’re Open for Business” cu e idea di duna un man na e comerciantenan, principalmente e companianan chikito cu ta sufri tanto durante e temporada aki, y cu door di esaki mes, mester a cera of corta den e parti di nan mercadeo, y esey ta haci tambe cu nan presencia ta cay for di bista di hende. E tres instancianan menciona nan idea ta pa duna e companianan aki un man y pone nan den “picture”.

Con nan lo haci esaki? Sr. Martinus a duna di conoce cu nan lo bay bishita comerciantenan den diferente bario, unda nan ta bay haya e oportunidad di expone e negoshi y conta con nan a haci pa sobrebibi den e temporada di crisis aki.

Asina nan lo haya e oportunidad di haci un yamada na e publico eyfo, pa duna e support.”Logicamente, nan ta haya e oportunidad tambe pa e publico conoce kico nan ta ofrece, kico ta e manera con nan a adapta na e crisis aki, loke ta hopi importante pa asina e comunidad por haci uso di nan servicionan.

Na entrada di cada compania lo pone un borchi pa e publico sa cu esey ta un di e participantenan, pa asina nan por haya e support.

David Martinus a splica cu nan kier trece un mensahe di positivismo, y cu nan kier traha den unidad. El a comenta cu hopi cos por wordo haci pa e comerciantenan pero nan tambe tin cu tuma iniciativa. El a expresa cu mas nan traha hunto, mas leu nan por yega.

Sr. Martinus ta invita e comunidad comercial cu kier ta participe den e campaña aki por bishita e instancianan menciona riba facebook y sign up den e link pa forma parti di e campaña aki.

- Advertisement -

DUNA COMENTARIO

Please enter your comment!
Please enter your name here