Home Gobierno 1517 compania a ricibi 35,6 miyon florin na Subsidio di Salario pa...

1517 compania a ricibi 35,6 miyon florin na Subsidio di Salario pa luna di Juli

36
0
SHARE
- Advertisement -

Minister Xiomara Maduro

ORANJESTAD (AAN) – Na comienso di siman Minister Maduro a informa cu e siman aki Gobierno di Aruba ta logra paga Subsidio di Salario na un total di 1018 compania cu a haci un peticion pa yudansa financiero pa paga salario na 10566 trahador y cu e suma envolvi ta 16,5 miyon florin.

   Diahuebs atardi SVB cu ta encarga cu e administracion di e Subsidio di Salario, a informa Minister Xiomara Maduro cu un grupo mas grandi ta bin na remarca pa e yudansa financiero.

    Pa luna di juli, 1272 compania a bin na remarca pa Subsidio di Salario pa por yuda cubri salario di 18666 trahador pa un suma total di 30,3 miyon florin.

    Banda di esaki SVb a informa, cu tin ainda 245 compania cu na promer instante nan peticion pa Subsidio di Salario no tabata completo y pesey lo wordo yuda den e siguiente dianan cu Subsidio di Salario pa un suma di aproximadamente 5,3 miyon florin.

    Pues den luna di juli 2020, un total di 1517 compania ta ricibi 35,6 miyon florin na Subsidio di Salario pa yuda paga nan trahadornan.

- Advertisement -

DUNA COMENTARIO

Please enter your comment!
Please enter your name here