Home Comercio Wireless Mesh lo bay resolve dolor di cabez cu WiFi na casnan

Wireless Mesh lo bay resolve dolor di cabez cu WiFi na casnan

122
0
SHARE
- Advertisement -

Tur abonado di Cable TV lo bay haye

ORANJESTAD (AAN); Diamars mainta Setar NV a anuncia cu nan ta introduciendo sistema di Setar IPTV, y tambe e servicio di Wireless Mesh pa casnan na Aruba.

   Raul Ponson kende ta Sector Manager di Asuntonan Tecnico na Setar NV, a mustra con e compania a automatiza e structura pa asina por carga e servicio di IPTV aki.

   Ponson a mustra cu e sistema di IPTV ta uno moderno di trece programacion di TV na cliente.  Es mas, aworaki ta casi tur CableTV Operator na mundo ta bayendo pa IPTV y Setar NV su strategia tambe ta pa sigui evoluciona e rednan.  Pa awor lo sigui haci uso di e red di waya coax di CableTV.  Ademas di esey ta implementando un sistema nobo di Fiber Optic cu tin speed mas halto aun.

   Setar NV a enfoca hopi riba calidad di imagen.  Na Aruba pesey e calidad ta hopi halto, y e sistema nobo lo ta High Definition bay ariba.  Ponson a bisa cu nan lo traha duro pa garantiza e calidad di señal cu ta yega na cas.

   Ponson a indica cu Setar NV awor tin un Cloud priva special pa graba como 80 canal constantemente na Aruba.  Y asina nan por ofrece un servicio nobo riba IPTV, cu yama “Catch up TV”.  Esey nifica cu facilmente bo por wak programa di ultimo 7 dianan.

   Tambe Setar IPTV lo ofrece Network DVR tambe pa e cliente, e ora abo mes por graba riba un espacio di 80 ora.  Antes bo mester tin un DVR na bo cas pa graba e programaman.  Pero awor e grabacion lo keda wanta 1 aña largo den e Cloud di Setar.

   Setar IPTV ta bin cu Video On Demand tambe, y lo ta formidable pa esnan cu ta abona riba HBO.   Tambe tin opcion di Restart TV, esta si bo topa programa cu ya caba a cuminza, e ora bo ta primi Restart TV pa e mustrabo e show bek desde comienzo.  Tambe bo por primi pause pa e show cu bo ta mirando, pa asina bo atende yamada, etc.

   WIRELESS MESH:

   Raul Ponson a mustra cu ultimo tempo hopi cliente ta haya dolor di cabez cu WiFi.  Na comienzo e WiFi no ta yega den tur skina, y asina a bin cu WiFi Extender.  Pero awor debi cu tin hopi cas banda di otro y cada uno tin WiFi, y dado momento e ta bira congestiona, como cu hopi ta usando e mesun canal (frequencia).  Y no ta tur hende sa con pa ‘cambia canal’ di nan WiFi Router.

   Pero awor Setar NV a bin cu un solucion maraviyoso.  Segun Raul Ponson, e paso mas nobo pa WiFi lo bira loke e compania ta introduci pa Aruba.  Ta trata aki di un Wireless Mesh, y esaki a combina perfecto cu Setar IPTV.

   Wireless Mesh lo no ta complica mas pa e cliente.  Bo por hasta controla esaki via un App, pa maneha full bo cas su WiFi sin ningun setting complica.  Via e App bo por check e calidad di tur 3 node di WiFi na bo cas.  Bo por specifica por ehemplo cu e Tablet di bo yiunan no mag subi Internet despues di 9:00 pm.  Of ora bo tin fiesta na bo cas, bo por hasta habri un “Guest WiFi” pa invitadonan usa.  Y bo WiFi priva mes lo keda safe e ora, bo por escoge ki ora bo kier paga algun di e node pa asina spaar coriente.

  E waya di CableTV cu ta drenta bo cas, lo bay conecta na un box color blanco masha chikito mes (Access Point).  Y lo bo haya 2 Set-top box color preto di Setar IPTV y nan ta djis haya waya di poweradapter y tambe bo por conecta waya di HDMI pa bo TV.  Pero no tin ningun waya di network.  Pasobra cada Set-top box di IPTV tambe lo ta un WiFi node.  Asina tur hende lo tin 3 WiFi node den cas, creando un Wireless Mesh.

   Wireless Mesh mes lo haci analisis constante pa escoge cual canal (frequencia) ta mas optimal, comparando esaki cu e bisiñanan pa asina yuda evita haya storing.  Asina e dolor di cabez cu internet na varios cas lo keda como algo di pasado.

 

- Advertisement -

DUNA COMENTARIO

Please enter your comment!
Please enter your name here