Home General Wardacosta lo keda patruya intensivamente riba lama

Wardacosta lo keda patruya intensivamente riba lama

82
0
SHARE
- Advertisement -

ORANJESTAD (AAN): Awor cu e medidanan di COVID-19 ta ser de-escala riba Aruba, Bonaire y Curaçao mester keda alerta. Na e momentonan aki Sur America ta un di e fuentenan di mas grandi di e virus di corona y na Venezuela tur dia e cantidad di personanan infecta cu COVID-19 ta subi.

Esaki ta un motibo pa Wardacosta sigui monitor y vigila e fronteranan di Aruba, Bonaire y Curaçao.

E intensificacion di e patruyanan ta principalmente pa controla e traficacion ilegal di mercancia y personanan cu ta haci intento pa yega e islanan ilegal cu entre otro droga, municion y cu risico cu e personanan por ta infecta cu e virus di COVID-19.

Wardacosta ta pone tur su unidadnan disponibel pa asina garantisa seguridad den e awanan teritorial di Aruba, Curaçao y Bonaire.

E patruyanan ta ser eherce conhuntamente cu unidadnan di Defensa riba laman y riba tera.

Wardacosta ta keda aplica ley y detencionnan na momento cu personanan indocumenta purba drenta e islanan di forma ilegal. Tur e persona y contrabanda lo ser entrega na polis pa haci mas investigacion.

Abo como ciudadano alerta tambe por yuda Wardacosta. Na momento cu bo mira algo sospechoso riba laman of na costa, bo por informa Wardacosta riba e number 913.

E number aki ta alcansabel di dia y anochi. Hunto nos por proteha e laman y e awanan di nos isla.

- Advertisement -

DUNA COMENTARIO

Please enter your comment!
Please enter your name here