Home General Unidadnan di Timeshare/VO generalmente ta representa mas cu 40% di Aruba su...

Unidadnan di Timeshare/VO generalmente ta representa mas cu 40% di Aruba su inventario total di camber

119
0
SHARE
- Advertisement -

ATSA: doñonan di VO ta spera di por regresa nan isla special

ORANJESTAD (AAN):   Aruba Time Share Association ta indica cu Aruba a yega di sufri retonan caba den pasado, na unda su economia a sufri varios obstaculo, manera ceramento di refineria y situacion economico cu a inicia na 2008, pero cu sosten di doñonan di VO, Aruba a logra di tin su economia bek riba pia den un tempo relativamente corto.

   Ta sperando di por mira doñonan di VO regresa na 2020 riba e mesun escala.

   Esaki ta locual  sa di doñonan di VO: Nan compra di Timeshare ta representa cu nan ta doño di un pida di e isla, fuera di e balor di real estate. Doñonan ta disfruta di un relacion solido y largo cu localnan.

   Ora cu nan ta riba e isla, doñonan di VO no ta congestiona e luga, nan a yega di mira Aruba su highlights varios biaha caba, y unico loke nan kier ta pa nan por sinta bao di nan palapa faborito sin wordo stroba, den sombra, socialisando cu nan amigonan.

   Economistanan ta di acuerdo cu doñonan di VO tambe ta forma parti di e columna vertebral di Aruba su puente aereo. Mirando cu nan ta prefera di viaha durante fin di siman, vuelonan di rendimento halto den fin di siman ta yuda companianan aereo mantene nan vuelonan den siman na nan luga.

  Unidadnan di Timeshare/VO generalmente ta representa mas cu 40% di Aruba su inventario total di camber; e isla su 16 propiedadnan di VO ta opera aproximadamente 3,712 unidad, den diferente configuracion, y manera raporta na 2017, 299,909 bishitante, representando 28% di bishitantenan total, 1,070,548 a keda na un di e 16 propiedadnan aki.

   E exito di Aruba su propiedadnan di VO ta wordo refleha den e percentahe averahe di ocupacion, cual tabata midi na 85% den 2018. Y mayoria di e propiedadnan hotelero no tin oficina di sales & marketing, y nan sales corespondiente y presupuesto di marketing ta minimo.

   Pues e resortnan ta inverti den upgrades y mehoracionnan continuamente, cu deseo di por sorprende bishitantenan cu ta ripiti nan bishita cu productonan nobo y servicionan nobo cada biaha cu nan bin.

   E profile di doñonan di VO ta economicamente solido, e mayoria grandi di doñonan, 90%, ta Baby Boomers, y 70% di nan ta disfruta di un entrada familiar di mas cu $90,000. Mayoria di nan, 46.1%, a cumpra nan Timeshare prome cu 2003. Esaki ta nifica cu nan conexion cu e isla ta uno cu ta sumamente fuerte y duradero.

   Ta asina cu mayoria di doñonan di VO no ta trade of intercambia nan timeshare akinan, pasobra nan ta kere den e isla manera un destinacion di vacacion di calidad halto, cual a haci cu nan a cumpra nan prome unidad na prome luga. Mas cu esaki, e experiencia di resort, durante ultimo añanan, tabata ta y ta continua di ta tremendo, y nan ta specialmente gosa di e dushi ambiente familiar.

   Pa mustra nan gratitud na e isla y su producto di vacacion, nan ta gasta placa. E grupo general di Timeshare y loke nan ta gasta, cu un averahe di 3.25 hende pa grupo, ta $3,723.56 riba averahe, sin ningun mantencion of otro gastonan di Timeshare inclui. Ora cu gastonan ta inclui, e cantidad di placa gasta ta aumenta na $4,723.56 pa grupo riba un averahe.

    Cu nos fronteranan habriendo pronto, Aruba por spera su sostenedornan fiel atrobe. Mientras cu ta berdad cu e isla a introduci rekisitonan stricto, incluyendo seguro obligatorio di viahe y seguro medico, esaki ta tur cay bao di esfuersonan pa protehe e localnan y nos bishitantenan contra un infeccion di Covid19.

   Den un lama di incertidumbre, e doñonan di VO ta spera di por regresa nan isla special, y e industria di VO akinan, ta preparando pa nan regresa, wardando riba nan cu man habri, curason alegre y aprecio di berdad. Nos ta haya nan falta, mas cu palabranan por describi.

  *Synopsis di estudionan relaciona cu all-inclusive hotels, PWC, 2016

- Advertisement -

DUNA COMENTARIO

Please enter your comment!
Please enter your name here