Home Enseñanza Un di e mihor graduada di Abraham de Veerschool MAVO a bin...

Un di e mihor graduada di Abraham de Veerschool MAVO a bin for di Prins Bernhardschool

793
0
SHARE
- Advertisement -

ORANJESTAD (AAN): Cu e tema di Havana Night, e anochi di entrega di Diploma di Abraham de Veerschool MAVO a tuma lugar riba e hardin di Renaissance Conference Center.

   Tres klas di MAVO-4 a presenta e anochi colorido aki cu nan famia, pa asina subi escenario y ricibi nan diploma for di man di cabezante Jane Hooft-Bueno.   E cabezante a elabora con hopi candidato di examen a finaliza nan educacion di MAVO den 4 aña, pero tambe a ilustra cu tabatin hopi alumno cu a finaliza esey den 3 aña!  E ultimo ey a socede debi cu nan ta ricibi hopi alumno di Prins Bernhardschool.

   Abraham de Veerschool a keda hopi impresiona cu e nivel di educacion di esnan cu ta drenta MAVO, procedente di Prins Bernhardschool.  Nan a nota cu e alumnonan aki tin hopi perseverancia, dedicacion na nan estudio, y hasta nan ta stimula e demas studiantenan den klas!  Esaki ta algo cu DIARIO a haya hopi impresionante.  E studiantenan di Prins Bernhardschool no ta djis mantene nan mes na nivel competitivo, pero ta empuha e demas alumnonan den klas pa nan haci nan best.

   Y pesey mes, e aña aki Abraham de Veerschool a festeha cu 96% di nan alumnonan a gradua pa Examen 2020.

   Pero prome cu e entrega a cuminza oficialmente, a yama dilanti e mihor graduadonan di 2020 na Abraham de Veerschool.

   MIHOR DEN 6-VAK:

   E mihor graduada den 6-Vak a bira Myah M. Thompson.  E dama alegre aki a subi pa ricibi reconocemento di cabezante Jane Hooft-Bueno.  Tambe el a ricibi un regalo di Aruba Bank, cu nan lo paga e prome aña di schooljaar venidero na e scol di nan escogencia.

   Esaki sigur ta un bunita noticia pa Myah cu a keda contento cu esaki.

   MIHOR DEN 7-VAK:

   E mihor graduada den 7-Vak a bira Sabrina Aponte-Muguerza.  E dama alegre aki tambe a bin for di Prins Bernhardschool y a sobresali den e examen 2020 di MAVO.  E tambe a ricibi reconocemento di cabezante Jane Hooft-Bueno.  Sabrina a ricibi tambe un regalo di Aruba Bank, cu nan lo paga e prome aña di schooljaar venidero na e scol di nan escogencia.

   Henter e anochi por a nota cu ta hopi alumno cu a bin for di Prins Bernhardschool a logra nan MAVO diploma cu facilidad na Abraham de Veerschool.  Dirigentenan di e scol ta hopi feliz cu e logro di 96% di e aña aki.

   Pa esnan cu no sa, Prins Bernhardschool esencialmente ta duna un crash-course di 10 luna na studiantenan di habla hispano of ingles, unda nan ta haya e lesnan equivalente di Klas 1 te Klas 6 di scol basico, pa asina nan por domina Hulandes, cu asina ta yuda nan haya les na MAVO.

- Advertisement -

DUNA COMENTARIO

Please enter your comment!
Please enter your name here