Home Enseñanza Un biaha mas Obispo Mgr. Secco ta pidi directiva di SMOA pa...

Un biaha mas Obispo Mgr. Secco ta pidi directiva di SMOA pa nan tuma retiro

108
0
SHARE
- Advertisement -

Bisdom ta haya cu SMOA ta mustrando falta di respet

ORANJESTAD (AAN): Pa aworaki ta bisto cu ta henter Aruba, y hasta henter mundo Catolico di Caribe Hulandes ta contra e directiva actual di Fundacion SMOA cu ta maneha Colegio Arubano.

   Cada dia por tende mas voz di protesta di mayornan.  Mas voz di protesta di docentenan.  Como cu e ta un Fundacion cu ta maneha Scol Catolico, un biaha mas Obispo di Willemstad ta haci un peticion urgente pa e directiva actual baha.

   DIARIO a ricibi copia di un carta cu Dialuna 6 di Juli a wordo manda pa directiva di SMOA, y dirigi via email tambe pa Robert Croes (presidente) y Monica Kock (vice-presidente).

   E carta nobo aki ta mustra esaki precisamente, cu pa varios luna caba tin un crisis di maneho y status quo na Colegio Arubano, tambe intrankilidad cerca mayornan, e empleadonan, y e studiantenan y cu sigur no ta beneficia e calidad di educacion aworaki.

   Hunto cu e mayor- y docentena ndi como 1.600 alumno na e scol Catolico aki, Obispo ta puntra su mes kico e berdadero interes di e ta di e hendenan aki?  Di ta den Directiva of di Enseñanza cu a wordo confia na nan.

   Obispo a tuma nota cu dos biaha caba e Directiva di SMOA a nenga di tuma nan retiro, siendo cu Bisdom ta e autoridad eclesiastico competente di tur scol Catolico cu ta cay bao di Diocesis di Willemstad, incluyendo Colegio Arubano.

   Segun Obispo, loke Directiva di SMOA ta haciendo aki ta un falta di respet di e acuerdo di April 2008 cu tin entre e Directivanan di Scol (incluyendo SKOA) y Obispado como e autoridad di Iglesia, relaciona cu Scolnan Catolico y Enseñanza Catolico, unda e Directiva ta obliga di cumpli cu reglanan manera ta poni den seccion IV.7 di e acuerdo cu ta indica: “School Board Management should adhere to the canonical laws and other guidelines to manage catholic schools”, y cu nan no ta siguiendo.

   Obispo cu e carta aki ta dirigi su mes atrobe na esnan cu ta forma parti di Directiva di SMOA, pa nan scucha e voz di e mayornan di e alumnonan, e voz di e docentenan preocupa di Colegio Arubano y “vox populi”, e voz di comunidad Arubano den su totalidad.

   “Mi ta pidi boso pa di tercer vez, pa boluntariamente tuma boso retiro di e funcion como miembro di directiva di SMOA,” Obispo a indica.

   Segun Obispo, e no ta kere cu si e personanan aki sigui di ta den directiva di SMOA lo bay ta algo di bon reputacion y algo positivo pa SMOA pa cu e interes di alumno y mayornan, e docentenan, y e personal cu no ta duna les.

   Si acaso dentro di 72 ora cu a manda e carta aki ainda nan no kier reacciona riba e peticion pa retira for di Directiva, e ora Obispo lo haye obliga pa bay pidi e instancia cu ta duna subsidio pa nan tuma medidanan apropia pa garantiza e calidad di educacion y un ambiente di trabao saludable pa e docente y e personal di Colegio Arubano.

   Tambe Obispo ta pidi e Directiva di SMOA pa nan haci entrega di tur documento, folders, y material tanto den forma hardcopy y digital, na su Vicario na Aruba, esta pastoor Andres Makowiec, den presencia di miembronan di e Comision di Obispado, esta diacono Michael Nicolaas y via streaming e diacono Richard Colastica.

 

- Advertisement -

DUNA COMENTARIO

Please enter your comment!
Please enter your name here