Home Turismo Turistanan cu drenta Taxi mester tin mascara di cara bisti

Turistanan cu drenta Taxi mester tin mascara di cara bisti

236
0
SHARE
- Advertisement -

Taxista mes tin di aplica hand sanitizer pa nan…

ORANJESTAD (AAN): Desde 13 di Maart cu Aruba a conoce su prome dos caso di Covid-19, por a nota cu henter e industria turistico a dal porta cera, afectando tur esnan cu ta labora den servicio directo cu turista, e.o. Watersports, Tours, y Taxistanan.

   Pues ta bay bira 4 luna cu Taxistanan na Aruba ta sin trabao.

   Den un entrevista cu Linda Orman, conocido Taxista local, el a recorda con ora cu e crisis a cuminza, el a expresa den media cu Taxistanan lo bay haya un ‘knock-out’ debi na esaki.   Na comienzo ta varios hende a critica su expresion, etc.  Pero awor tur hende ta mira cu e ‘knock-out’ no tabata djis pa Taxistanan, sino pa henter Aruba.

   Segun Orman, e Taxistanan ta e grupo den horeca cu a keda 100 porciento sin entrada.  Tabatin hopi incertidumbre tambe, y hendenan no tabata sa kico lo bay pasa.

   DIARIO sa cu despues a bin cu yudanza di Fondo FASE pa Taxistanan (excepto esnan cu ta haya otro entrada, p.e. di pensiun) pero e placa ey no ta yega.  Pa colmo tin algun Taxista cu no a haya tampoco, of a keda sin haya cierto luna.

   Aworaki na luna di Juni, cu ni e di tercer pago cu a cuminza drenta, a haya cu companianan ta impone cu ta obliga na paga e.o. Aseguro di Vehiculo, y presion pa paga Awa y Coriente.  Frontera tambe a habri y Taxistanan a prepara pa cumpli cu e sello di Healh & Happiness Code.

   PRECAUCION DEN TAXI:

   E idea pa pone un ‘reparticion’ di plexiglass mey-mey e chauffeur y e pasaheronan lo no por wordo usa den tur vehiculo.  Taxi cu tin solamente 1 AC Blower Fan pa manda aire den cabina, lo ta dificil pa instala uno.  Pero varios Taxi grandi cu tin 2 AC Blower (uno pa pasaheronan dilanti, y uno pa pasaheronan sinta patras) si lo por pone e reparticion di plexiglass aki.

   Vehiculonan cu tin dos AC Blower, por traha cu uno djis dirigi pa e chauffeur, y e otro AC Blower ta dedica completamente na e pasaheronan patras.

   Taxi cu no tin dos AC Blower Fan, ta wordo recomenda pa bay core cu turistanan cu bentana baha, pues no cu airco cendi.  Esaki pa minimaliza posible plamamento di virus.

   Kizas lo ta bon pa usa un cover di plastico pa tur asiento, pero usa uno cu no ta absorba asina hopi cayente ora cu Taxi keda hopi para den solo.  E por kima cuero di hende.

   Tambe ta recomendable pa Taxistanan core cu hopi Paper Towels (no di paña) den auto pa asina usa desinfectante pa haci e interior di vehiculo limpi, y na final ta benta e towelnan aki afo.

   E Taxista ta esun cu mester tin botter di hand-sanitizer pa asina e baha y aplica esaki na man di tur pasahero prome nan subi e vehiculo.

   Esnan cu ta subi den Taxi, mester tin mascara di cara bisti!  E ta algo cu bo tin di informa nan prome cu e pasahero subi e vehiculo, pues pa no bin discusion riba dje despues.  DIARIO a nota cu e compania local Zen Designs ta bende sticker pa Taxistanan pone riba nan vehiculo pa mustra cu mascara di cara ta obligatorio.

   Tur eseynan ta precaucion cu Taxistanan tin di tuma pa yuda mitiga e brote di Coronavirus.

- Advertisement -

DUNA COMENTARIO

Please enter your comment!
Please enter your name here