Home General Turista no kier asbest como atraccion na hospital!

Turista no kier asbest como atraccion na hospital!

269
0
SHARE
- Advertisement -

E orkesta di fundacionnan responsabel y contratista por sali na careda

*Un peliger di e cinco streanan pa turista pone luna y solo eclipse 

ORANJESTAD(AAN)–E siman aki Aruba ta habri su portanan pa Merca cu cierto reservanan.

Si te awor e servicio den hotelnan, e miho restaurantnan, beach y solo tabata haya hopi atencion, e normal nobo di turismo lo encera cu turistanan ta bira sumamente exigente cu cuido medico.

No ta asunto solamente di wordo contagia cu e coronavirus nobo. Hende na tur parti di mundo a bira mas consciente di e atencion cu salud mester haya como prioridad humano.

Si Aruba conoce un peligro grandi cu por rementa tur loke Aruba ta sacrifica pa reconstrui, e yama  hospital di Aruba.

Turistanan cu Aruba kier haya ta bini di Merca, caminda accion legal ta algo normal den bida ora e servicio cu mester a wordo duna na e turista, faya.

Kico lo pasa si un turista a haya su mes cu un hospital na candela y cu peliger di asbest? Pa ilustra e loke por a sosode na un forma suave, por bisa cu e turista lo a pone luna y solo eclipse na mes momento.

Si loke a pasa siman pasa na e hospital di cinco strea cu gobierno anterior a produci pa Aruba, a sosode cu turista, Aruba por ta sigur cu e mester cuminsa paga un team di abogado pa e casonan cu turistanan lo a entrega contra hospital.

Na Merca, un menasa pa bida di hende den hospital, ta habri caminda pa un compensacion miyonario di parti di un cliente.

Aruba ta tene e realidad aki na consideracion?

Servicio di hospital ta uno di e puntonan cu mas atencion ta haya ora ta atende cu turista. Kico e agente di biahe mester bisa e turista si e puntra con e servicio di hospital ta na Aruba?

Pa ta sincero, nos lo no kier ta e agente di biahe cu mester bisa kico por pasa na e hospital di Aruba pasobra e proyecto pa cual Aruba mester paga alrededor di 700 Miyon na huur, ta un macutu di sorpresa.

Cu e hospital cu gobierno anterior a yama cinco strea ta un macutu, pashentnan di Aruba ta confirma.

E hospital por bira un macutu pa laga awa pasa na momento di yobida. E hospital por bira un macutu pa holo di diesel plama. E hospital por bira un macutu di vlamnan cu ta pone pashentnan na careda. E hospital mester bisa si ainda e ta un macutu yena cu e substancia peligroso cu yama asbest y cu ta causa cancer.

E siman aki Aruba ta habri su porta pa e turista Mericano cu ta bini di un pais cu problema serio causa pa e coronavirus. Merca riba tereno medico, ta den estado di panico debi na e coronavirus nobo.

Si resulta cu e corona cu Aruba ta ofrece na hospital ta traha cu asbest, Aruba por haya su mes ta mira Cinco Miyon strea, pasobra ta demanda di Miyones lo wordo entrega dor di turista.

Ta keda naturalmente e pregunta kende ta responsabel pa paga y kico e mester paga. Te awor dicidi kende ta carga responsabilidad pa kico, ta manera un wega di mucha.

Kende a carga e responsabilidad pa asbest?

Otro pregunta. Otro topico. Otro strea pega na uno di e proyectonan di e fondo di 1.6  Biyon Florin, cu a bira 1.6 Biyon miseria.

- Advertisement -

DUNA COMENTARIO

Please enter your comment!
Please enter your name here