Home General Trabao di CENSO ta hopi importante: e ta capta Aruba su historia...

Trabao di CENSO ta hopi importante: e ta capta Aruba su historia y desaroyo

91
0
SHARE
- Advertisement -

Director suplente di CBS Desiree Helder:

ORANJESTAD (AAN) – Drs. Desiree Helder, Director Suplente di Central Bureau Statistics (CBS), en ocasion di e apertura di e exposicion “Aruba ta conta riba BO. E historia di Censo 1960-2010”, cu a tuma lugar den Archivo Historico Aruba (ANA), a hiba palabra.

Drs. Heder a destaca a e trabao cu Censo y otro departamentonan ta haci pa compila data. El a subraya cu Censo no ta solamente haci pregunta na hende, anto hinca e datonan den computer. E ta hopi mas cu esaki, ya cu Censo ta capta e historia di Aruba y su desaroyonan.

Esaki ta den man di esnan cu ta haci e trabao aki posible, y sin nan e historia di Aruba no ta wordo capta,  Helder a bisa, y a agrega: “Pesey mi ta duna boso un danki masha grandi, y tambe na esnan cu a yuda set up e exposicion aki, e trahadornan balente di CBS. Mi ta menciona nan nomber pasobra mi ta hopi contento cu nan contribucion: Tamara, Joanne y Gerald”.

Nan ta esnan cu a verf, plak y bora, pasobra hende homber y hende muher mester traha hunto pa nos pais bay dilanti. Asina Helder a bisa.

El a reitera locual e minister a menciona, cu den e expo aki a inclui e 17 metanan di desaroyo sostenible, pasobra nan ta un di e informacionnan di mas importante, pa capta y wak con Aruba ta desaroya e parti di desaroyo sostenible.

Tin hopi hende cu no sa kico esaki kiermen, y den e exposicion e publico por lesa kico e 17 metanan ta, cu un serie di datonan cu a wordo proyecta y comparti pasobra nos comunidad mester yega na un mihor manera di biba hunto, cu ta bon pa nan y pa Aruba tambe.

E fecha programa pa e Censo 2020 wordo ehecuta, ta Dia 1 di October venidero, cu Desiree Helder ta spera e bay bon (den sentido di e problema di Covid-19) y e ta conta cu un y tur pa participa y duna nan aporte pa esaki.

Finalmente el a extende un invitacion pa pueblo di Aruba, pa e famianan bin wak e exposicion na ANA.

 

- Advertisement -

DUNA COMENTARIO

Please enter your comment!
Please enter your name here