Home Gobierno Tin reforma y cambionan hopi grandi riba e structura estatal cu no...

Tin reforma y cambionan hopi grandi riba e structura estatal cu no sa si lo funciona pa Aruba

124
0
SHARE
- Advertisement -

ORANJESTAD (AAN):  Diaranson mainta, durante e cumbre di Gobierno hunto cu e gremionan a purba di duna un splicacion basta amplio di e situacion unda Aruba ta para te cu aworaki relaciona cu e condicionnan cu Hulanda a impone.

Prome Minister Evelyn Wever-Croes a bisa e representantenan di gremio y sindicatonan cu el a pidi Hulanda un ‘ontheffing’ of un excepcion pa haci e documentacion cu a wordo manda dialuna cu caracter secreto.

Te cu diaranson mainta, gobierno di Aruba no a ningun contesta di Prome Minister di Hulanda, Mark Rutte relaciona cu e ‘ontheffing’ solicita.

Awor e plan di gobierno ta sigui pa asina keda informa comunidad y gremionan pa asina por haya un sentimento di kico ta locual ta e situacion.

E representantenan di e gremionan y di e sindicatonan a mustra y a enfatisa cu nan ta aprecia e informacion suministra. Pero loke nan ta desea di mira ta e documentonan y haya sa e contenido pa asina por duna feedback na gobierno.

Pa diabierna awor, Hulanda kier un compromiso di Gobierno di Aruba cu ta bay acepta e condicionnan poni riba e documento ademas di e asina yama RFT (Rijks Financieel Toezicht) y di e entidad, pa despues bay busca aprobacion den Parlamento.

Transparencia y principionan democratico akinan ta wordo trapa, Evelyn Wever-Croes a expresa.

Transparencia den duna documento y no ta compronde pakico no ya cu ta cosnan cu lo bira conoci di tur manera despues cu e wordo aproba. Kiermen, e unico motibo pa no dun’e prome ta pa evita cu mas hende ta tuma conocimento di dje y esey ta evita un bon debate den comunidad y aceptacion, a bisa.

Gobierno a haya dialuna 4 dia pa duna un contesta riba e documentacion di 218 pagina cu Hulanda a tuma lunanan pa prepara. Eynan tin dos rijkswet y e forma secreto cu e tin cu bay y cu tin gobierno rabia.

Wever-Croes a enfatisa cu Gobierno no ta contra e supervision. Supervision no ta e problema ya cu ta keda bao di supervision di CAft y esey no ta cambia.

Tampoco ta contra e medidanan cu a bin ta implementando caba pa baha gasto y pa asina bin na remarca pa haya fiansa. Tampoco ta contra reforma ni pa combati corupcion. Aruba tin un comision cu ta consisti di mas di 100 persona cu ta trahando na e momentonan aki riba un ‘master plan’ di reforma.

Banda di esaki Aruba tin un agenda pa combati corupcion, e mandatario a señala.

Aruba ta contra e forma di proceder di Hulanda y contra e secrecia cu e cosnan aki ta bay, a enfatisa. Tin reformanan, tin cambionan hopi grandi riba e structura estatal cu no sa si lo funciona pa Aruba pasobra no a haya tempo pa traha debidamente riba dje y esey ta su preocupacion, Minister Presidente Wever-Croes a expresa.

 Awor, pasobra mester di e placa y pasobra ta lomba contra muraya casi no tin opcion, pero despues no sa kico ta bay ta e consecuencianan. Esey ta e problema cu tin, a remarca.

 

  

- Advertisement -

DUNA COMENTARIO

Please enter your comment!
Please enter your name here