Home General Taxista Linda Orman mustrando cu Covid-19 a revela con vulnerable Aruba ta

Taxista Linda Orman mustrando cu Covid-19 a revela con vulnerable Aruba ta

101
0
SHARE
- Advertisement -

ORANJESTAD (AAN): E conocido taxista Linda Orman, a indica cu nan ta manteniendo nan mes bon na altura di tur desaroyo mundial pa cu e pandemia di Coronavirus nobo, y tambe ta check e pronosticonan pa e isla aki unavez cu frontera habri pa paisnan grandi.

   Taxistanan na Aruba ta casi sin entrada, desde 13 di Maart 2020 ora cu e prome dos casonan di Covid-19 a keda registra riba e isla.

   Taxistanan tabatin un reunion riba plataforma Zoom cu James Hepple di Universidad di Aruba, y ey el a presenta un pronostico con turismo lo bay ta despues di Covid-19 na Aruba.  Ey bo ta haya categoria di “Optimista”, “Semi-Optimista”, y “Pesimista”.  A ser mustra cu Aruba ta bay cay bao pronostico di “Pesimista”.

   Pero e ultimo dos siman, ta parce cu e lo bay ta “Pesimista” mas serio!  Pasobra e principal mercado pa Aruba ta procedente di Merca, y net awor e cantidad di casonan nobo y tambe morto na Merca ta sigui subi.

   Union Europeo tambe a cera frontera pa Merca pa aworaki.

   Aruba no tin e luho ey pa cera frontera cu Merca.  Pa awor e sobrevivencia di tur hende lo depende di e ‘zachte-lening’ di Hulanda pa e isla por sobrevivi.  Pero gobernantenan na Hulanda tin di corda cu e ta un prestamo cu Aruba lo bay paga full bek despues.

   No obstante esey, Gobierno di Aruba aworaki tin cuchiu na garganta pero no ta morto.  Por bin cu solucion, y check rond di bo unda bo ta corta gasto, elimina cierto cosnan.   Aki Orman a mustra cu si acaso un Departamento tin un Hefe full diploma y experto pa maneha esaki, e ora pakico mester bin cu Boards cu tin hende eyden cu no tin suficiente educacion?  Varios instancia den Gobierno tin esey.

    Bo tin hende capacita como Director y Managers, pues pakico bin cu Boards?  Esey ta uso innecesario di placa.

   Orman a mustra cu pueblo tin di stop di tira culpa riba Gobierno, y bira mas auto-critico.  No por keda na e forma tradicional y di costumber kere cu tin di keda fiel na un solo partido pa henter bida largo.  No mester acepta regalo di stoof of frigidaire pa bo voto.  Bo tin di pensa riba futuro.

   Covid-19 a demostra ta con vulnerable e isla aki ta.  Y awor tur hende a realiza cu e sector di horeca ta e ‘curazon’ di Aruba!  Ora cu e curazon ey stop di bati, ta tur hende ta sufri, y esey a socede tambe.

 

- Advertisement -

DUNA COMENTARIO

Please enter your comment!
Please enter your name here